Masalimo 9:1 - Mawu a Mulluku

¹ Apwiya, kineerewuuthokozani ni murimaaka muttheene, kineerollota dda ddaweera ddanyu ddittheddene ddoottikhiniha.

Masalimo 9:1 ပူးပေါင်းရင်းမြစ်များ

Masalimo 86:12

Nyu Apwiya Mullukwaaka, kinnuuthokozani ni murimaaka muttheene, kineerotitimiha nnddina nanyu wa enthawi yoohimalla.

1 Epilli 16:24

Llalleyani dda ntitimiho niwa wa athu a mitundu ddittheddene. Tthopoollani dda ddoottikhiniha ddiwa wa athu a ellapo ddittheddene.

Masalimo 111:1

Aleluya! Kineerewaathokoza Apwiya ni murimaaka muttheene, va mutthukumano wa athu oolungama.

Masalimo 26:7

Kinniipa nchipo noothokoza, kinnallalleya mitteko ddanyu ddoottikhiniha.

Aheberi 13:15

Sika ekaamba ya yeella mukuthwaahu okhalle omuthokoza Mulluku oohimalla oweella mwa Yesu. Nallota wi, “Mulluku tti Apwiya” nooheraatthi mukutho.

Yesaya 43:21

Yaayo tti athu kiiphatuselleemi, ekiipelleke machipo ookititimiha.”

Masalimo 7:17

Miyaano kineeromuthokoza Mulluku Amasiva Mattheene, ekaamba ya echilungamwaaye. Kineerewiipa machipo owaatitimiha Apwiya, Amasiva Mattheene.

1 Epilli 16:12

Muupuwelleke mitteko ddoottikhiniha ni ezizindikiro ddiwa, mmo yaweeruzelliiwa athu,

Masalimo 138:1

Nyu Apwiya, kinnuuthokozani ni murimaaka muttheene ni wiipa machipo awuutitimihani vamiitthoni va milluku.

Masalimo 51:15

Apwiya hullani vayanoni vaka wi yuutitimiheni nyuwaano.

Luka 10:27

Olliye ahaakhulla wi, “Waakondeke Apwiya Mullukwaawo ni murimaawo muttheene ni okumaawo muttheene ni masivaawo mattheene ni maganizwaawo. Nave omukondeke mukhwaawo wonanko mmo oniikondelleewe weekha.”

Yawuupullulla 15:3

nave yaaniipa nchipo na Mose, oorumeyella a Mulluku ni nchipo na mwaanaankhosa wi, “Apwiya Mulluku Amasiva Mattheene, mitteko ddanyu tti dduullupalli navettho ddoottikhiniha! Mwene a mitundu ddittheddene, ettilla ddanyu tti ddawoona navettho ddoolungama.

Yesaya 12:1

Nllapo nenno arive muthu aneerollota wi, “Kinnuuthokozani nyu Apwiya, vawi naari mwakishenlle murima, osha murima wanyu waariirya nave mwaakikhurumusa murima.

Yesaya 60:6

Mulloko wa ekamira* oneerewuuhuruwella, ekamira dding'onong'ono dda o Midiyani ni o Efa. Attheene a o Sheba eneeroowa, emukusalle golide ni lubani,* eneerewaatitimiha Apwiya moowelliha mawu.

Masalimo 106:2

Ttaani anaawore otthopoolla mitteko ddamasiva dda Apwiya? Ttaani anaawore waatitimiha mookwakhwanella?

Masalimo 9:14

wi kithokoze mitteko ddanyu ddittheddene variyari va athwaanyu mu Ziyoni. Ddawoona, kinnahakallalla kaambiiwa mookivullusa.