Masalimo 88:5 - Mawu a Mulluku

⁵ Kiri wonanko oohiyiwa yeekha variyari va ookhwa, wonanko muthu awiiphiwa oyo akonaatthille mu mahame, wonanko athu ayo muhinawuupuwelleenyu, vawi tti oovenyihiwa m'mattani mwanyu.

Masalimo 88:5 ပူးပေါင်းရင်းမြစ်များ

Yesaya 53:8

Aaphariwa nave khaaweruziwe mwa echilungamo, khaavo apwathille. Okumaaye waakusiwa mwa olliye va ellapo yavatthi ekaamba ya machimo a athwaaka ahuukuthiwa.

Masalimo 31:22

Kaallota mookhupanya wi, “Aakivenyiha m'mattani mwa nyuwaano.” Koma nyuwaano mwahiiwa oveka waka kuukhupanyelleemini wi mukikavihere.

Masalimo 136:23

Yaanuupuwella navevuwalleehu, echikondiiwa yoohisintheya tti ya enthawi yoohimalla.

Masalimo 88:16

Osha murima wanyu wookimirya, ddawoopiha ddanyu ddookoononga.

Masalimo 31:12

Aakitiwallesesa wonanko muthu ookhwa, kootthattuwa wonanko nikattuphe.

Yobu 11:10

Ethiyo Mulluku avira nave uuwallella mundendeni, uukokella omillatuni, ttaani anaamuvaanye?

Yobu 6:9

Waphaama Mulluku akinyennyeke, akoonongilleke ni nnatta naye.

Genesis 19:29

Mwawi Mulluku oonongeeye mizinda dda muntaponinnddo, yahuupuwella ovekella wa Abrahamu, sika aamuvullusa Loti va enthawi oonongeeye mizinda nndde mwakhalla Lotooyo.

Genesis 8:1

Vano Mulluku aamuupuwella Nowa ni enama ddittheddene ddamuhakani ni eziweto nnddo ddaari ni olliye muchombonimmo. Aalamula ephevo wi yoope va ellapo yavatthi, enthawi yeeyo maaddi yahaamba owelleella.

Yobu 17:1

Murimaaka woophweeya, mallapwaaka aamalla, mahame aakaatthamella.

Masalimo 28:1

Nyu Apwiya, kinnawiithanani nyu nlluku naka, muhinakhalla wonanko khamunakiiwa kaambiiwa mweera ellapo tuu, kineerophwanaphwana ni ookitthella o mahame.

Ezekiele 37:11

“Apwiya yaakilleella wi, ‘We mwaana a muthu, makhuva yaalla tti Aisraele attheene. Alliwa ennallota wi makhuvaahu ahumma, otiyerella wahu woomalla nave nohoonongeya.’