Masalimo 88:11 - Mawu a Mulluku

¹¹ Ethiyo echikondaanyu yoohisintheya ennayillalleya o mahame? Ethiyo ennatthopoolla dda ororomelleya wanyu onipuroni na woonongeya?

Masalimo 88:11 ပူးပေါင်းရင်းမြစ်များ

2 Petro 2:1

Anamallotella awoottha yahooneya khalle variyari va athu nave emoddamoddave yeeyo ahuddihi awoottha eneerewooneya variyari vanyu. Mwawiitta eneerowaana ehuddiho ddawoononga. Nave eneerewaakhoota Apwiya ayo yaakullalle nave vaweerani ddiiddo eneerowaana woonongeya wawaakuva vaweekhiiwa.

Aroma 9:22

Ella enaphwanaphwana ni nnddo Mulluku eerilleeye. Apaalla wi oonihe osha murima waye vamodda ni masivaaye. Nave aavillella ni waalleva wunchichi athu ayo yaamushihalle murima, oophwanella woonongiwa.

Mateyu 7:13

“Volloweellani va mullako mung'onong'ono kaambiiwa mullako wooya o gehena tti wooramballalla navettho museweene tti wookhweya nave eneetamo tti athu anchichi.

Miyambo 15:11

Ellapo ya ookhwa ni woonongeya ddiri vamiitthoni va Apwiya. Yookatamiha ttiivi ni mirima dda athu?

Masalimo 73:18

Ddawoona, munnaanyingalliha voottherenya oonanara, munnaakuha ophiyera ennoonongeya.

Masalimo 55:23

Koma Nyu Mulluku muneerewaavokhella adanaaka mu nlliti noowallamella nawoononga. Athu awiipha ni awoottha khephiya naari hafu a mallapwiiwa ookumi. Koma nyu Mulluku, kineerewuuroromellani.

Yobu 26:6

Vamiitthoni va Mulluku, ellapo ya ookhwa kheniipittheya, nipuro na woonongeya khannakhuneelleya.

Yobu 21:30

Muthu oonanara annahiyiwa va nllapo na otulli, annavullusiwa va nllapo na osha murima.

Masalimo 6:6

Kootopana wiipullella, erive mahiiyu kinnanaaniha yoohameella murwaaka ni miitthori. Kinnaddalliha maaddi vookona vaka ekaamba ya winlla waka.

Yesaya 26:19

Athu ookhwa eneerokhallattho ni okumi, miilli ddiwa ddineerovenya. Nyu attheene muri mu mahame, venyani ni wiipa nchipo moohakallalla. Wonanko nikame ninoollowihelliiwa vatthi ohihimulla ddoomella, emoddamoddave yeeyo Apwiya eneerewaavenyiha ookhwa.

Ezekiele 37:3

Vano yaakikoha wi, “We mwaana a muthu, ethiyo makhuva yaalla ttuukhallattho ni okumi?” Mi kaallota wi, “Nyu Apwiya Mulluku, munnadduwella ddenndda.”