Masalimo 86:8 - Mawu a Mulluku

⁸ Nyu Apwiya, variyari va milluku, khaavo naari mmodda anaphwanaphwana ni nyuwaano, khaddiivo mitteko ddinaphwanaphwana ni mitteko ddanyu.

Masalimo 86:8 ပူးပေါင်းရင်းမြစ်များ

Eksodo 15:11

“Nyu Apwiya, ethiyo vookhalla mulluku mmodda oophwanaphwana ni nyuwaano? Ttaani ari wonanko nyuwaano, ootitimiheya ekaamba ya weella wanyu? Ttaani ari wonanko nyuwaano vaweerani mitteko dda masiva ni ddoottikhiniha?

Deuteronomo 3:24

‘Nyu Apwiya Mulluku, mohaamba omoonihella oorumeyellaanyu mitteko dda ottekweenaanyu ni masivaanyu. Oddullu ni vatthi khaavo mulluku mmodda oyo anaawore weera ddeko dda masiva wonanko nnddo muneereenyu.

Masalimo 89:6

Ethiyo ttaani muddullu anaaphwanaphwane ni Apwiya? Ttaani mwa ooddullu enaphwanaphwaniiwana?

Daniele 3:29

“Vano kinakeraatthiha lamulo nawi arive muthu a orive mutundu ni a erive ellotello amuvevulla Mulluku a Shadrake, Meshaki ni Abedenego aphaddiwephaddiwe nave enyumbaaye ekhalle ntepe. Khaavo mulluku mmodda oowora ovullusa mwawi ddiidda.”

Masalimo 89:8

Ethiyo nyu Apwiya Mulluku Amasiva Mattheene, ttaani ari amasiva wonanko nyuwaano ororomelleya wanyu woowaapheellani?

Yeremiya 10:16

Koma Mulluku a Yakobo khari wonanko mafanwaalla, olliye sika oophatusa a ddittheddene. Israele tti mutundu wa yoohallanaaye, nnddina niwa tti Apwiya Amasiva Mattheene.

Yesaya 40:25

Aweella anallota wi, “Ethiyo ttuukiphwanaphwanihella ni aani apaalle ttuukillikanihella ni tini?

Deuteronomo 4:34

Ethiyo tti mulluku oovi oyo iikusenlle yeekha athu waatthaamiha variyari va mutundu mmodda ni waatthattusa aayeaaye wonanko mmo Apwiya Mullukwaanyu eweerelliiwani o Iguputo wulle? Alliwa yaheera ddennddo ni masiviiwa muullupalli nyuwaano moonaka ni miitthwaanyu. Alliwa yaamoriha ddoohoosa, millilli, ddoottikhiniha, ekhoto ni ddawoopiha.

Yesaya 40:18

Ethiyo Mulluku ttuumphwanaphwanihella ni aani apaalle ttuumullikanihella ni tini?

Masalimo 136:4

Apwiya yaayove eneera ddoottikhiniha dduullupalli, echikondiiwa yoohisintheya tti ya enthawi yoohimalla.

Eksodo 8:6

Sika Aroni aatthoonyihella ekopwaaye vamaaddini nave anaphullu yaakhuma eddalla ellapo ettheeneeyo.

2 Epilli 2:4

Kinapaalla wi kaamakelle enyumba Apwiya Mullukwaaka. Wenko moohihiyerera kineerekovelleella wa alliwa lubani* na nthuko naphaama, buledi oopatuleya ni mikutho ddooshellelliha ohinase ni misikuwa, va masabata, va mallapo a Ehakallallo ya Wooneya wa Mweeri ni mallapo mamodda aweella voothwarani malamulo a Israele wa enthawi yoohimalla.

Masalimo 89:7

Mulluku sika anooviwa m'mutthukumanoni wa aweella, sika awoopiha waakhwaranya attheene oomwaapheella.

Masalimo 95:3

Vawi Apwiya sika Mulluku muullupalli, tti mwene muullupalli, ookhwaranya milluku ddittheddene.

Masalimo 135:5

Vawi kinnadduwella wi Apwiya tti uullupalli, Apwiya aakhwaranya milluku ddittheddene.