Masalimo 86:3 - Mawu a Mulluku

³ Nyu Apwiya, keerelleni echifundo, vawi kinninllella wa nyuwaano mallapo mattheene.

Masalimo 86:3 ပူးပေါင်းရင်းမြစ်များ

Masalimo 57:1

Mukeerelle echifundo, nyu Mulluku, mukeerelle echifundo, vawi kinnathawella wa nyuwaano. Kinnathawella vatthi va muuphellwaanyu ophiyera woononga oviralle.

Aefeso 6:18

Mweereke ddenndda mu nivekello. Muvekelleke va ddirive ddaweereya, moohoollelliwa ni Munepa. Mukhalleke oowehera nave muvekelleke moohihiyerera, mwaavekellellekettho athu a Mulluku enthawi ettheene.

Masalimo 88:9

Miitthwaaka aawa epiphi ni ethakaraka, nyu Apwiya, kinninllella wa nyuwaano nllapo ni nllapo, kinnatukhullella mattaaka muddullu wa nyuwaano.

Masalimo 25:5

Mukihoollelle mu yawoonaanyu nave mukilangize vawi nyu tti Mulluku, oovullusaaka, kinnuuroromellani mallapo mattheene.

Luka 2:37

Vano aari ni miyakha 84. Khaavenyillemo mu enyumba ya Mulluku koma aanallapella mahiiyu ni otthaana, voohallani ocha ni ovekella.

Masalimo 56:1

Nyu Mulluku, mukeerelle echifundo vawi adanaaka ennakihoosa. Aakihella ekhoto ni okinyingallella nllapo nittheene.

Masalimo 55:17

Misikuwa, ohinase ni otthaana kinnakhupanya ni winlla, alliwa eneerewiiwa mawaaka.

Masalimo 4:1

Nyu Mullukwaaka oolungama, mukaakhulle kaawiithanakani. Kakatamihiweemi mwaawa mukikavihera. Mukeerelle echifundo nave iwani ovekella waka.

Luka 18:7

Koma Mulluku aneeroweeruzella millatu wi ddiweetelle phaama athu ootthoolliwaaye ayo enamuveka otthaana ni mahiiyu wi ddiweetelle phaama. Nave khaselliha nikavihero naye.

Masalimo 41:5

Adanaaka ennallota ddoonanara wa miyaano wi, “Ethiyo muthu yoolla anaakhwe niini wi atiwalleye?”

Masalimo 88:2

Nivekello naka niphiye vamiitthoni vanyu, kireyeni naaru wi mwiiwe winlla waka.

Masalimo 88:10

Ethiyo munnaweerella ddoottikhiniha athu ookhwa? Ethiyo oonihiyaayo ttuuvenya wi yuuthokozeni?