Masalimo 86:2 - Mawu a Mulluku

² Sungani okumaaka vawi kinnawiiwellellani nyuwaano. Nyu Mullukwaaka, mvulluseni oorumeyellaanyu awuuroromellani.

Masalimo 86:2 ပူးပေါင်းရင်းမြစ်များ

Masalimo 4:3

Koma vano mudduwelle wi, Apwiya Ahiipatulella athu oolungama. Apwiya enniiwa kaawiithanaka.

Masalimo 25:2

Murimaaka muttheene kinahiya va nyu Mullukwaaka, muhinaakhullella wi adanaaka ekiwulliheke muru, muhinaakhullella wi ehakallallelleke ohoosiwa waka.

Yohane 17:11

Vano nginakhallattho mu ellapo yavatthi koma alliwaayo tti a mu ellapo yavatthi nave miyaano kinimawa wa nyuwaano. Attiitthaaka aweella, ekaamba ya masiva a nnddina nanyunno mwaakivahilleenyu atetezeni yaalla phaama. Sika vano ekhalle amodda wonanko mmo nyuwaano ni miyaano nikhallelleehu amodda.

Masalimo 119:94

Mi tti aanyu, kivulluseni vawi koopwatha malamulwaanyu.

Masalimo 31:1

Apwiya kinathawella wa nyuwaano, muhikiwullihe muru. Vano mukivulluse kaambiiwa nyu tti oolungama.

Masalimo 18:19

Yaakiphiyiha onipuroni namurendelle, yaakivullusa kaambiiwa yaahakallalla ni miyaano.

Masalimo 16:1

Nyu Mulluku, kitetezeni, vawi tti woothawella waka.

Masalimo 13:5

Koma miyaano kinaroromella echikondaanyu yoohisintheya, murimaaka oneerohakallalla kaambiiwa mookivullusa.

Aroma 9:18

Sika vano Mulluku annamweerella echifundo arive muthu anapaalleeye omweerella. Nave annamuumiha murima arive muthu anapaalleeye omummiha.

Yohane 12:26

Muthu aakirumeyellaka miyaano, akithware miyaano vawi wenko kinaakhalleemi oorumeyellaaka anaakhallettho wenko. Nave Attiitthaaka eneeromuriiha oyo anakirumeyella.

Masalimo 143:12

Attholloseni adanaaka ekaamba ya echikondaanyu yoohisintheya va miyaano. Muwoononge attheene ookihoosa, ekaamba ya miyaano oorumeyellaanyu.

Masalimo 50:5

Olliye anallota wi, “Tthukumanani vamiitthoni vanyu, athwaaka oororomelleya, ayo yapanganne ni miyaano voovelleellani mukutho.”

Masalimo 37:28

Apwiya ennakonda echilungamo, kheyaahiya athwiiwa oororomelleya, eneerewaasunga wa enthawi yoohimalla, koma eneerowoonga athu oonanara.

Masalimo 31:14

Koma kinnuuroromellani nyu Apwiya, kinnallota wi, “Nyu tti Mullukwaaka.”

1 Samuele 2:9

Ennateteza okumi wa athu owaaroromella alliwa koma athu oonanara eneerewaakhurumusa mwiipiphini vawi khaavo muthu anaapambane ni masivaaye.