Masalimo 86:16 - Mawu a Mulluku

¹⁶ Mukirukunuwelle nave mukeerelle echifundo, mukivahe masivaanyu mi oorumeyellaanyu, mukivulluse miyaano mwaana a kaporwaanyu aamutthiyana.

Masalimo 86:16 ပူးပေါင်းရင်းမြစ်များ

Afilipi 4:13

Kinneera ddeko ddittheddene oyeella mu masiva ayo Khrisitu akivahilleeye.

Aefeso 6:10

Voomallihani, mwiillipiheke mu eyaattano ni Apwiya ni masiviiwa uullupalli.

Masalimo 116:16

Nyu Apwiya, miyaano tti oorumeyellaanyu, oorumeyella, mwaana a mullupa muttekwaanyu aamutthiyana. Nyuwaano mookittaphulla onyolwaaka,

Masalimo 25:16

Nyu Apwiya, kiweheni, keerelleni echifundo vawi kiri meekha nave koohoosiwa wunchichi.

Akolose 1:11

Mullipihiweke ni masiva mattheene oovenyera o masiva antitimiho naye wi muwore ovillella ni olleva erive ello. Mwaathokozeke Attiitthaanyu moohakallalla, ayo yaweerihalleni wi mukhallena eyo Mulluku aasungenlleeye athwaaye mu omwene woowala.

Aefeso 3:16

Kinamuveka Mulluku wi ovenyera mwa waata wa ntitimiho naye, uuvaheni masiva oweella m'Munepanaaye wi mukhalle oollipa mu echikhulupilwaanyu.

Masalimo 138:3

Va nllapo nne kawiitthanneemini mwaakaakhulla, munnakillipiha murima ni masivaanyu.

Zekariya 10:12

Kineerewaallipiha athwaaka, eneereweeta moollapella mu nnddina naka, mi Apwiya koollota.”

Masalimo 119:132

Kiwehereni nave mukeerelle echifundo moollikana ni mmo munaweerelleenyu athu awuukondani.

Masalimo 119:94

Mi tti aanyu, kivulluseni vawi koopwatha malamulwaanyu.

Masalimo 90:13

Nyu Apwiya, hokollweellani wa hiyaano, munaananariwe ophiyera niini? Amorelleni ethakaraka oorumeyellaanyu.

Masalimo 84:5

Oodala tti athu ayo masiviiwa enavenyera wa nyuwaano, ayo m'murimani mwiwa enapaallesesa oweella m'misewuni ddooya o Ziyoni.

Masalimo 69:16

Nyu Apwiya, kaakhulleni vawi echikondaanyu yoohisintheya tti yaphaama, Kaapelleni maaru vawi echifundwaanyu tti yuullupalli.

Luka 1:38

Vano Mariya aallota wi, “Mi tti owaarumeyella Apwiya, ddeereye wa miyaano ollikana ni ollota wanyu.” Nave mungelooyo aavenyavo.

Yesaya 45:24

Eneerollota dda miyaano wi, ‘Echilungamo ni masiva ddiri mwa Apwiyave.’ Attheene ayo yakiwukilalle eneerowulliwa muru nave eneeroowa wa miyaano.

Masalimo 41:5

Adanaaka ennallota ddoonanara wa miyaano wi, “Ethiyo muthu yoolla anaakhwe niini wi atiwalleye?”