Masalimo 86:11 - Mawu a Mulluku

¹¹ Nyu Apwiya, kihuddiheni ettilla ddanyu wi keeteke mu ddawoona ddanyu. Mukivahe murima woohikawaneya wi kooveke nnddina nanyu.

Masalimo 86:11 ပူးပေါင်းရင်းမြစ်များ

Masalimo 5:8

Apwiya, kihoollelleni mu echilungamwaanyu, ekaamba ya adanaaka. Kipotokoselleni ettilla munapaalleenyu wi kithware.

Masalimo 119:33

Nyu Apwiya kihuddiheni ettilla ya malamulwaanyu, kineeroddithwara ophiyera omamallihello.

Masalimo 25:12

Ttaani anawoova Apwiya? Yooyo Apwiya eneeromuhuddiha ettilla yawi ayithware.

Yobu 34:32

Mukihuddihe nnddo kihinaddooneemi, kaarimi keerille yoohilungama, ngiwa keeraattho.’

Masalimo 27:11

Nyu Apwiya kihuddiheni ettilla ddanyu, kihoollelleni mu ettilla ddoosalala kaambiiwa kookhalla ni adani anchichi.

Masalimo 26:3

Echikondaanyu yoohisintheya ennakihoollella, kinneeta mu ororomelleya wanyu.

2 Yohane 1:4

Kaahakallalla ni murimaaka muttheene wi kahaaphwanya amodda mwa aniinyu ekhallaka mu yawoona, wonanko mmo Attiitthiihu yaanilamulelliiwa.

Masalimo 119:73

Mattaanyu yaakipanga nave yaakoopa, kivaheni wiiwesesa wi kihuddereke malamulwaanyu.

Akolose 3:17

Vano erive ello muneereenyu apaalle munalloteenyu enaphwanella yeeriwe mu nnddina na Apwiya Yesu, mwaamuthokozaka Mulluku Attiitthaanyu oweella mwa olliyooyo.

Aefeso 4:21

Mwahiiwa dda olliye nave nyuwaano vookhallani oomuthwaraaye mwaahuddihiwa dda yawoona eyo eri mwa Yesu.

1 Akorinto 10:21

Khamuwora omuwiryella kapu a Apwiya navettho kapu a minepa ddoonanara. Khamuwora ochella va tebuloa Apwiya navettho va tebulo a minepa ddoonanara.

Malaki 2:6

Malamulo awoona yaari vayanoni vaye nave khaallotille yoohilungama. Aheeta ni miyaano mwamurendelle ni mwawookowa nave ahaahokollosa anchichi o ddoonanara.

1 Akorinto 6:17

Koma oyo anaattana ni Apwiya anakhalla mmodda ni alliwaayo m'munepani.

Masalimo 119:30

Miyaano kootthoolla wi kikhalleke oororomelleya, kohaasunga malamulwaanyu m'murimani mwaka.

Mitteko 2:46

Nllapo ni nllapo yaanatthukumana mu enyumba ya Mulluku ni murimiiwa muttheene moowiiwanana. Navettho yaanamumeyameya buledi enamucha m'mawaniwa ni okawana yoocha moohakallalla ni murima woottaphuwa.

Zefaniya 1:5

Kineerowoonongattho ayo enakokhora vaddullu va enyumba ddiwa enallapella nndduwa, mweeri ni etheneeri. Kineerowoonongattho ayo enaallapella Apwiya enallupella mu nnddina niwa, nngu ellupellaka mu nnddina na Milikomu.

Hoseya 14:8

Ethiyo Aefuremu enaaweerena tini mafano? Tti miyaano kiniiwa ovekella wiwa ni waapwatha. Kiri wonanko mukunguza woophuwa enthawi ettheene tti miyaano kinaavaha ezipaso.”

2 Akorinto 11:3

Koma kinoova wi maganizwaanyu enaavirikanyihiwe nave wi muneerohiya wiivelleella wanyu woororomelleya wa Khrisitu wonanko mmo Heva aallekiweeye ni olleka woochenjera wa enowa.

Hoseya 10:2

Murimiiwa tti wawoottha sika eneerollakiwa ekaamba ya machimwiiwa. Apwiya eneerokumulla makuwiiwa nave eneerowinttaka apoto oopatuleya.