Masalimo 86:1 - Mawu a Mulluku

¹ Nyu Apwiya, kaapelleni maaru, kaakhulleni, vawi miyaano kiri oohoowa ni oopaneya.

Masalimo 86:1 ပူးပေါင်းရင်းမြစ်များ

Masalimo 31:2

Kaapelleni maaru wi mukiiwe, akuvani wi mukivulluse. Mukhalle nlluku naka noothawellawo, mpandaaka woollipa wookivullusa.

Masalimo 40:17

Mi tti oofooka nave oohoowa, koma khamukituwanlle, nyu Apwiya. Nyu tti ookikaviheraaka ni oovullusaaka, nyu Mullukwaaka, muhinaselliwa okikavihera.

Daniele 9:18

Nyu Mullukwaaka, apellani maaru wi mwiiwe mawaaka. Muhulle miitthwaanyu wi moone matepaahu ni muzinda oyo onadduwelliwa ni nnddina nanyu. Kinavekella wa nyuwaano ekaamba yawi muri eechifundo, ohiri ekaamba yawi hiyaano niri oolungama.

Mateyu 5:3

“Oodalisiwa tti ayo eri oohoowa m'munepani, vawi ennahakallalla ni madaliso a omwene wa Mulluku!

Masalimo 34:6

Muthu oohoowoolla ahinlla, Apwiya yaamwiiwa, emuvullusa mu ddookatamiha ddaye ddittheddene.

Yakobo 2:5

Ngiiwani, asinnaka ni arokoraka ookondiwa! Mulluku ahaatthoolla athu oohoowa a mu ellapo yavattheelle wi ekhalle eeyuuma mu echikhulupililo navettho wi yaakhelle omwene oyo aalonjezilleeye wa ayo enamukonda.

Luka 4:18

“Munepa wa Apwiya ari va miyaano, kaambiiwa yaakizoza miyaano wi killalleye othenga waphaama wa oohoowa. Aakirumiha wi killalleye wa oomakiwa wi ettaphulliwe, ni wa athu oohoona wi yoonettho, ni wa athu oohoosiwa wi kaavahe murendelle,

Yesaya 66:2

Ddeko ddittheddenenndda kaddiphatusalle tti miyaano, sika ddittheddenenndda tti ddaaka. Miyaano kinnahakallalla ni athu awiiyeviha ni oolapa, ookoova ni awiiwellella mawaaka.

Yesaya 37:17

Sika nyu Apwiya, apellani maaru mwiiwe. Nyu Apwiya khunuullani miittho wi moone. Mwiiwe mawu mattheene ayo Senakeribu allotilleeye awuuvevullani nyu Mulluku Ookumi.

Masalimo 142:1

Kinninllella wa Apwiya moollipiha, kinnavekella mookhuwa.

Masalimo 140:12

Nyu Apwiya kinnadduwella wi munnaateteza oohoosiwa, munnaweeruza mweechilungamo athu oopaneya.

Masalimo 119:22

Mukivenyihelle ddoovevulla ni ddookinyemulla ddiwa, kaambiiwa koosunga ombonaanyu.

Masalimo 102:17

Eneeropwatha nivekello na athwiiwa ootathilliwa, khevevulla ovekella wiwa.

Masalimo 17:6

Kinaveka wa nyu Mulluku, kaambiiwa munnakaakhulla, kaapelleni maaru wi mwiiwe mawaaka.

Masalimo 102:1

Nyu Apwiya, iwani nivekello naka, winlla waka ophiye wa nyuwaano.

Masalimo 10:14

Komathi nyuwaano munnamoona, munnadduwella ddookatamiha ni ddoohoosa nave munneeravo ello. Oopaalla okaviheriwa enniivelleella wa nyuwaano, alliwattho akhwaadduni munnaakavihera.

Masalimo 25:16

Nyu Apwiya, kiweheni, keerelleni echifundo vawi kiri meekha nave koohoosiwa wunchichi.