Masalimo 82:5 - Mawu a Mulluku

⁵ Khenadduwella ello navettho kheniiwesesa, enneeta mwiipiphini, Matthipello a ellapo yavatthi aatikheya.

Masalimo 82:5 ပူးပေါင်းရင်းမြစ်များ

Masalimo 11:3

Kheyiivo eyo oolungama enaaweeriiwa, oonanara yaahithwaraka malamulo.”

Mika 3:1

Ngiiwani, nyu oohoollella a nibanja na Yakobo, oolamulella a nibanja na Israele! Ethiyo nyu khamuphwanenlle odduwella echilungamo?

Aroma 1:28

Vawi athu yaayo ennakhoota omwaakhullella Mulluku, Mullukooyo ohaahiya wi eganizeke ddoonanara ddennddo. Sika eneera ddeko ddoohiphwanella weeriwa.

Miyambo 2:13

ayo enahiya ettilla ddoolungama eneeta ettilla dda mwiipiphini.

1 Yohane 2:11

Koma ayo enawiita asinniwa ni arokoriwa eri mwiipiphini. Eneeta mwemmo nave khenadduwella nko enayeewawo kaambiiwa epipheeyo yooripiha miitthwiiwa.

Yohane 12:35

Yesu ahaakhulla wi, “Owala onaakhalle ni nyuwaano mu enthawi yooyeva. Etani vano muriinyuna owala wi epiphi ehuuphwanyeni. Oyo aneeta mwiipiphini khanadduwella nko anayeeye.

Miyambo 1:29

vawi mwahiita ezeru nave khemwaatthoonlle owoova Apwiya.

Masalimo 14:4

Ethiyo oonanaraalla kheniiwesesa? Ennaamirya athwaaka wonanko yoocha, khenaallapella Apwiya.

2 Timoteo 2:19

Koma matthipello oollipa ayo yatthipelliwe ni Mulluku khewora otikhiwa. Nave va matthipellellwaayo voolembiwa mawu awi, “Apwiya ennaadduwella ayo eri ayiwa” navettho “Arive muthu anaromolla nnddina na Apwiya ahiye ddoonanara.”

Yohane 3:19

Nave echiweruzweeyo tti ella, owala waawa mu ellapo yavatthi koma athu yaakonda epiphi ohiyana ni owala kaambiiwa yaheera ddeko ddoonanara.

Yesaya 59:9

Athu enallota wi, “Ekaamba ya yeella, echiweruzo yoonirekamella nave echilungamo khenaniphwanya. Ninnaashaasha owala koma ninaphwanya epiphi, ninnatiyerella wi weelle koma nineeta mwiipiphini.

Yesaya 5:7

Israele sika emata yampesa ya Apwiya Amasiva Mattheene Yuda sika mpesaaye woohakallalliha. Apwiya yaatiyerella ddaphaama koma yoonille wiiphanana. Alliwa yaatiyerella echilungamo koma yiiwalle winlla wa oohoosiwa.”

Masalimo 53:4

Ethiyo oonanaraalla kheniiwesesa? Ennaamirya athwaaka wonanko yoocha, khenamullapella Mulluku.

Oollalleya 3:16

Emodda koonilleemi vatthimva tti yawi, nko ori echiweruzo yaphaama onnakhallattho oonanara murima, nko ori echilungamo onnakhallattho ddoonanara.

Oollalleya 2:14

Muthu eezeru aneeta miitthwaaye eri muhoollo koma muthu ookarangeya aneeta mwiipiphini. Koma koodduwella wi nnddo ddimmorelle mmodda tti ddimoddamoddave ddennddo ddinammorelle mmoddooyo.

Miyambo 4:19

Ettilla ya athu oonanara tti wonanko epiphi yawoopiha. Khenadduwella yaakwakwatullalle.

Masalimo 75:3

Ellapo yavatthi yaatikheyaka ni ddittheddene ddookhalla mwemmo, tti miyaano kinaaseera apotwiiwa.

Yobu 8:9

Hiyaano tti anamwani ooddillo, khaninadduwella ello, Mallapwaahu a va ellapo yavatthi tti wonanko muuthuuchi.

Masalimo 99:1

Apwiya tti mwene, mitundu dda athu dditthukumelle! Ennakeraatthi variyari va akerubi,* ellapo yavatthi etikheye!