Masalimo 80:4 - Mawu a Mulluku

⁴ Nyu Apwiya Mulluku Amasiva Mattheene, munaananariwelle mavekello a athwaanyu ophiyera niini?

Masalimo 80:4 ပူးပေါင်းရင်းမြစ်များ

Masalimo 85:5

Ethiyo muneeronishella murima wa enthawi yoohimalla? Ethiyo muneerovirellella onanariwa wa mibado ddahu ddittheddene?

Maliro 3:44

Mooddiipitthiha ni mirapo wi mavekellwaahu ehiwore ophiyera.

Masalimo 79:5

Munaananariwe ophiyera niini, Nyu Apwiya, muneerosha murima wa enthawi yoohimalla? Ethiyo ehachaanyu eneerekokharave wonanko munllo?

Masalimo 74:1

Nyu Mulluku, kaambiiwa tini munanikhooteenyu wa enthawi yoohimalla? Kaambiiwa tini onanariwa wanyu onoosiiwa enkhosa woochihella enama wanyu?

Masalimo 59:5

Nyu Apwiya Mulluku Amasiva Mattheene, Mulluku a Israele, venyani wi mwaallake athu attheene a mitundu ddimodda ddittheddene. Muhinamweerella echifundo arive muthu mwa athu oolleka ni eechiwembu.

Deuteronomo 29:20

Apwiya khemukhululukella muthu awi ddiidda vawi Apwiya eneeromushella murima ni ehache yookhara. Nave matembelelo oolembiwa munibukhunimmu eneeromumorella nave Apwiya eneeromoononga wawi khawa uupuwelliwa va ellapo yavatthi.

Masalimo 4:7

Koma ohakallalla nko mukivahilleenyu m'murimani mwaka, wohaakhwaranya ayo eri ni ddoocha ni ddoowirya ddinchichi.

Masalimo 31:17

Nyu Apwiya, muhinaakhullella wi kiwulliwe muru, kaambiiwa kinavekella wa nyuwaano. Koma athu oonanara sika enaawulliwe muru, eye onipuroni na ookhwa ehinna yoollota.

Masalimo 60:3

Mooweeriha athwaanyu wi yoone ddoohoosa. Mooniwiriha vinyo oolezeliha.

Daniele 9:17

Nyu Mullukwaahu, vano iwani nivekello ni oveka wa oorumeyellaanyu navettho ekaamba ya nnddina nanyu ekhovaanyu ewalelle va nipuro nanyu naweella nno nitthattuwalle ntepe.