Masalimo 80:13 - Mawu a Mulluku

¹³ Ekulluwe ddamuutthakoni ddinnawoononga, enama ddamuhakani ddinnawucha.

Masalimo 80:13 ပူးပေါင်းရင်းမြစ်များ

Yeremiya 5:6

Sika ekaambiiwa mukango wamuutthakoni onaawiiphiiwa, mumbulu woohakani onaawoonongiiwa. Nanthavi anaakhalleke vakhuviru ni mizinda ddiwa, aneeromukhaddulla arive muthu ookhuma vawi ddoochimwa ddiwa tti ddinchichi, omuhiya wiwa Mulluku wohaata.”

Yeremiya 4:7

Wonanko mukango onuupulluwa ovenyera va wiipittha, emoddamoddave yeeyo awoononga ellapo ootimulla. Animawa wi oononge ellapwaanyu, mizinda ddaye eneerodditthattusa matepe oohikhallavo muthu ookhallamo.

Yeremiya 52:7

mpanda wa muzindooyo waaphovolliwa. Naari Ababiloni yawaapheelle muzindooyo komave akhoto attheene yaathawamo mahiiyu vookhumellani va mullako wa variyari va esiri piilli, vakhuviru ni emata ya mwene. Nave yaathawella o Araba.

Yeremiya 51:34

Nebukadinezara mwene a o Babiloni oonoononga, oonipwesa ni onitathilla wonanko epalli yoohikhalla ni mutteko. Oonimirya wonanko ekonya, oovona ddoocha ddahu ddooddiva, vatulli viwa oonirapheya.

2 Mamwene 17:20

Sika Apwiya yaaddikhoota edduullu ddittheddene dda Aisraele, eddihoosa, eddivelleella m'mattani mwa athu awaakha ophiyera yahaatathilla vamiitthoni viwa.

Masalimo 89:42

Mohaapaambaniha oomwiita, mohaahakallalliha adanaaye attheene.

Yesaya 5:5

“Vano imellani kuulleelleni nnddo kineerelleemi emata yampeseeyo. Kineerokumulla mpandiiwa nave enama ddineerochamo. Kineerokumullattho esiri ddiwa nave enama ddineeronyingallellamo.

Ezekiele 19:12

Koma waatulliwa moowalli okuhiwa, ahumma ni ephevo ya wookhuma nndduwa, ezipaso ddiwa ddaavakareya, nthimwa nahumma, muteekho muttheene osha ni munllo.

Nahumu 2:3

Ezishango dda akhotwiiwa tti ddoofiira, akhotwiiwa attheene ewanre ddoowara ddoonyezimella. Yiimenlle phaamaddene va mizere ddakhoto, magaretiiwa enyezimilaka wonanko okhara wa munllo, akavalo elluphalluphaka.