Masalimo 79:8 - Mawu a Mulluku

⁸ Muhinanillaka ekaamba ya machimo a makhollwaahu, neerelleni echifundo mwawaakuva vawi nookitthihiwa wunchichi.

Masalimo 79:8 ပူးပေါင်းရင်းမြစ်များ

Yesaya 64:9

Nyu Apwiya, muhivirellelle onishella murima ni wuupuwella machimwaahu wa enthawi yoohimalla. Ngoonani, attheene niri athwaanyu.

Masalimo 142:6

Iwani winlla waka, vawi kootathilla murima. Kivulluseni wa athu ookihoosa, kaambiiwa aakikhwaranya masiva.

Masalimo 116:6

Apwiya ennaateteza athu awiiyeviha, kamorelleemi mu ddookatamiha, alliwa yaakivullusa.

Masalimo 21:3

Munnaphiya wa mwenooyo ni madaliso aphaama wunchichi, munnamuwariha enduwira yoomwene ya golide aphaama va muru vaye.

Yawuupullulla 18:5

Vawi machimwaaye yohuukellana ophiyera oddullu, nave Mulluku ohuupuwella mitteko ddaye ddoonanara.

Hoseya 9:9

Athu enimananarave wonanko ddeereyelliiwa o Gibea. Sika ekaambiiwa Mulluku khawa atiwalla onanara wiwa nave aneerollaka machimwiiwa.

Hoseya 8:13

Ennavelleella mikutho dda enama wa miyaano enattakhuna enama yamukuthweeyo koma mi Apwiya nginahakallallana naari vang'ono. Ngiwa kitiwalla onanara wiwa nave kineerewaallaka machimwiiwa. Kineerewaahokollosella wuukaporoni o Iguputo.

Daniele 9:16

Nyu Apwiya, ekaamba ya olungama wanyu, ninaveka wi osha murima wanyu ni owallaanyu ddivenyevo va muzinda wa Yerusalemu, mwaangwaanyu waweella. Athu a ellapo ddawaapheella ennamuvevulla Yerusalemu ni athwaanyu ekaamba ya machimwaahu ni ddoonanara dda makhollwaahu.

Ezekiele 2:3

Aakilleella wi, “We mwaana a muthu, kinuuruma wa Aisraele, mutundu wa athu eekuku ayo ekiwukilalle. Alliwa ni makhollwiiwa aakhalla ekichimwellaka ophiyera ollello.

Masalimo 130:3

Nyu Apwiya, mweerengella machimo, ttaani ahinaaphwanyeye ni mullatu.?

Masalimo 106:43

Enthawi ddinchichi Apwiya yaanaavullusa koma alliwa yaanavirellella waawukila nave ddoochimwa ddiwa ddaanaavevulla.

Masalimo 25:7

Muhinuupuwella machimo a esombwaaka ni ovudduwa waka koma mukeerelle echifundo, nyu Apwiya ekaamba ya echikondaanyu yoohisintheya vawi nyuwaano tti aphaama.

1 Mamwene 17:18

Naamukhwellooyo aamukoha Eliya wi, “Nyu muthu a Mulluku, ethiyo kuulakwelleni tini? Ethiyo muwiille wa miyaano wi mumuupuse Mulluku machimwaaka ni okiiphella mwanaka?”

Deuteronomo 28:43

“Alleto ookhalla mwiillaponi mwanyu sika enaavirellelleke owella koma nyuwaano munaakhallelleke okittha.

Eksodo 32:34

Vano khawe waahoollelle athu onipuroni nko kuulleelleemi. Upuwella wi mungelwaaka sika anuuhoollelle koma nllapo ninimawa nno kinawaallakeemi ekaamba ya machimwiiwa.”

Genesis 15:16

Viviralle mibado sese edduullu ddawonnddo ddineerohokollowattho ekaamba yawi ngiwiikariha a Aamori ophiyera onanara wiwa ophiyalle variyari wi ellakiwe.”