Masalimo 78:72 - Mawu a Mulluku

⁷² Davide ahaapwatha ni murima wooreera, anaahoollella ni nnatta naye neeruso.

Masalimo 78:72 ပူးပေါင်းရင်းမြစ်များ

1 Mamwene 9:4

Nave we, waaweetaka vamiitthoni vaka wonanko mmo attiittho Davide yeetelliiwa ni murima wawoona ni woolungama nave waaweeraka ddittheddene kuulamulalleemi ni osunga mawaaka ni malangizwaaka,

2 Timoteo 2:15

Ollipihelle okhalla awaakhullelleya vamiitthoni va Mulluku, wonanko mullupa mutteko oohiwulliwa muru ni muttekwaaye, oyo anahuddiha othenga wawoona wa Mulluku.

Mitteko 13:22

Mulluku amuvenyihalleeye omwene Saulo, ahaavaha Davide wi akhalle mweniiwa. Nndda sika allotille Mulluku dda olliyooyo wi, ‘Koomuphwanya Davide mwaana a Yese, muthu a vamurimani vaka, muthu oyo anaaweere nnddo kinaapaalleemi.’

Yakobo 1:5

Nave mmodda a nyuwaano aahikhalla ni ezeru, avekelle wa Mulluku. Aneerewaakhella vawi Mulluku annaavaha athu attheene ni murimaaye muttheene.

Mitteko 13:36

Vawi Davide amallihalle orumeyella ddoopaalla dda Mulluku mu mallapwaaye aakhwa. Nave aavitthiwa vamodda ni makhollwaaye nave mwiillaaye wahuntella mu mahame.

Masalimo 75:2

Munnallota wi, “Va enthawi eyo kinaayikeraatthiheemi, kineereweeruza moolungama.

1 Mamwene 15:5

Apwiya yaheera ddenndda kaambiiwa Davide aaneera ddaphaama nave khaakhootille erive ello yamulamulalliiwa mallapo mattheene a okumaaye opatula mwaha wa Uriya Muhiti.

1 Mamwene 3:28

Nave Aisraele attheene yiiwalliiwa dda echiweruzo ya mullatoolla, yaamuriiha mwene Solomoni kaambiiwa yaadduwella wi aakhalla ni ezeru dda Mulluku ddaweeruzella millatu mweechilungamo.

2 Samuele 8:15

Vano Davide aalamulella ellapo ettheene ya Israele nave aaneetiha ddittheddene mweechilungamo ni moohiweha ekhove.

Ezekiele 34:2

“We mwaana a muthu, llalleya mawu awaavaanyiha abusa a Aisraele. Llotella nave llota waalleelle wi, ‘Nnddo enallota Apwiya Mulluku tti ddawi, otulli wa nyu abusa a Aisraele, nyu muniipwatha nyookha. Ethiyo keesa abusa enaphwanella opwatha enkhosa?