Masalimo 78:13 - Mawu a Mulluku

¹³ Aayiikawa enyanja wi alliwa evirevo, ahiimesa maaddi wonanko esiri.

Masalimo 78:13 ပူးပေါင်းရင်းမြစ်များ

Eksodo 14:21

Sika Mose aatthoonyiha nnatta naye vanyanjani nave Apwiya yahoopiha ephevo yuullupalli yoovenyera wookhuma nndduwa, eyo yoopille mahiiyu mattheene nave yahummiha enyanjeeyo. Maaddaayo yaakawaneya

Eksodo 15:8

Mwaaviddeellelleenyu maaddaalle, yahuukellana vanipuroni nimodda, maaddi oothamaka yahiimella wonanko esiri, embali yoowallamella ya enyanja yaari yoollipa.

Masalimo 66:6

Aatthattusa enyanja wi ekhalle yawumma navettho Athu yaallapuwa muhinje yeetaka vatthi, sika ekaambiiwa nahakallanlleehuna olliye.

Yoswa 3:16

maaddi mattheene yahiimella ehineeta. Maaddi a omwaako yahuukaana wonanko esiri yoorekama ovenyera o Adama vakhuviru ni muzinda wa Zaretani. Maaddi ooya mu enyanja ya Araba eyo yeeriwa Enyanja Yookhwa yaawelleella nave athu yaallapuwella ekhopella emodda vakhuviru ni muzinda wa Yeriko.

Habakuku 3:15

Mwaanyingalla enyanja ni akavalwaanyu, maaddi amasiva manchichi yaapanga niphoru.

Yesaya 63:13

Ethiyo ttaani aweetihalle va enyanja yoowelleella nave wonanko kavalo aweeta muchipululuni oohikwakwatuwa?

Masalimo 38:7

Mwiillaaka muttheene wooviha, virive veko vinnakivoreya.

Eksodo 14:22

nave yaari wonanko esiri onnattanatta ni wuunyotthoni, mwawi Aisraele yaallapuwa vawumma.

Eksodo 14:29

Koma Aisraele attheenaalle yaallapuwa enyanjeeyo vawumma, maaddi yiimenlle wonanko esiri onnattanatta ni wuunyotthoni.

Yoswa 3:13

Allupa mukutho ootukhulla nibokosi na echipangano na Apwiya, Apwiya a ellapo yavatthi ettheene, yanyingalla maaddaayo, maaddi mattheene a muhinje wa Yordani oovenyera omwaako eneerohiya weeta nave eneerewiimella wonanko esiri.”

Yesaya 63:12

Ethiyo ttaani oyo eerille ddeko ddoottikhiniha ni masivaaye muullupalli oweella mwa Mose? Ahaakawa maaddi a mu enyanja athwaaye yoonaka wi nnddina naye nititimihiwe wa enthawi yoohimalla.”