Masalimo 77:18 - Mawu a Mulluku

¹⁸ Onyakulla wa ogugudeya wanyu wahiiweya otthewene, ettari ddanyu ddaawaliha ellapo ettheene, ellapo yavatthi yaatthukumella nave yaatikheya.

Masalimo 77:18 ပူးပေါင်းရင်းမြစ်များ

Masalimo 97:4

Ettariiwa ennawaliha ellapo yavatthi, ellapo ettheene ennoona nave ennatikheya.

Yawuupullulla 11:19

Vano enyumba ya Mulluku yooddullu yaahulliwa nave nibokosi na echipangano nahooneya. Nave vaakhalla ettari, ogugudeya wa murimu ni echivomerezi navettho marallalla muullupalli.

2 Samuele 22:14

Apwiya yaagugudeya ovenyera oddullu, Mulluku Amasiva Mattheene mawaaye yahiiweya.

Yawuupullulla 20:11

Nave kaamoona Mulluku akeraatthille vampandoni muullupalli waweella wa omwene. Ellapo yavatthi ni oddullu ddaathawa vamiitthoni vaye nave ddaarimeellattho.

Yawuupullulla 18:1

Ddimallille ddenndda kahoonattho masomphenya a mungelo mmodda akitthaka ovenyera oddullu. Aakhalla ni olamulello wuullupalli nave ntitimiho naye naari nuullupalli vawi naanamolleella ellapo yavatthi ettheene.

Mateyu 28:2

Moorurumusa waakhalla echivomerezi yuullupalli vawi mungelo a Apwiya aakittha ovenyera oddullu aphiya o mahame wulle aphikirisa nllukunne akeraatthi vaddullu vaye.

Mateyu 27:51

Nave ekatani yoohiyaniha mapuro meelli a mu enyumba ya Mulluku yahaahuwa okawaneya variyari ovenyera vaddullu ophiyera vatthi. Nave ellapo yaatikheya nave malluku yaatthalleya.

Habakuku 3:4

Owala waye tti wonanko ettari, osherima onavenyera m'mattani mwaye mmo munakhalla masivaaye awiipittheya.

Masalimo 104:7

Mwaahumullullalle maaddaayo yaathawa, yiiwalle othuruma wa ogugudeya wanyu yaapallalleya.

Masalimo 18:7

Vano ellapo yavatthi yaatthukumella etikheya, matthipello a miyaango yaatikheya ni orindimuwa, kaambiiwa Apwiya yaasha murima.

2 Samuele 22:8

Vano ellapo yavatthi yaatthukumella etikheya, matthipello a miyaango yaatikheya ni orindimuwa, kaambiiwa Apwiya yaasha murima.

Oweeruza 5:4

“Nyu Apwiya, mwakhumenyu mu Seiri, mweeteenyu ovenyera o Edomu, ellapo yavatthi ettheene yaatthukumella, oddullu waattotthowa, mirapo ddaandonya maaddi.

Eksodo 19:18

Mwaango muttheene wa Sinai waahuruwelliwa ni mwiisi, ekaamba yawi Apwiya yaakitthella vamwaangonimvo mwa munllo. Mwiisooyo waanawella muddullu wonanko mwiisi wa ufuni nave mwaango muttheenoolle waheengereya wunchichi.

Eksodo 19:16

Omurotovo ophiyalle, ohinase, waakhalla ogugudeya wa murimu ni ettari vamwaangonimvo. Waakhallattho murapo woottika ni winlla wooruma wa nipallapata. Athu attheene m'misasanimmo yaatthukumella mwawoova.

Masalimo 18:14

Aavokha mipaamba ddaye, waapallallesa adanaaye, ahaamolleella ni ettari awiikariha.

Masalimo 18:15

Mitthipidda dda enyanja yoowallamella ddahooneya, matthipello a ellapo yavatthi yaakhalla vaweella, Nyu Apwiya mwasimweenyu moowalli, mwavumeenyu mwamasiva ovenyera mphunani mwiwa.