Masalimo 77:12 - Mawu a Mulluku

¹² Kineeroganizera ddaweera ddanyu ddittheddene, kineeroganiza dda mitteko ddanyu ddamasiva.

Masalimo 77:12 ပူးပေါင်းရင်းမြစ်များ

Masalimo 145:11

Eneerollota dda ntitimiho na omwenaaye, eneerotthopoolla dda masivaanyu

Masalimo 71:24

Nllapo nittheene kineerollalleya ollota dda echilungamwaanyu wi oowaashaasha okivoreya, evevulliwe, ewulliwesese muru.

Deuteronomo 6:7

Mwaahuddiheke aniinyu ni ollota wiilliwiilli dda malamulwaalla mwakhalla owaninyu, mwakhalla voolendoni, vookonaatthini apaalle voovenyani.

Masalimo 145:4

Mbado oneerotitimiha mitteko ddanyu wa mbado mmodda, oneerollalleya ddaweera ddanyu ddamasiva.

Masalimo 143:5

Kinnuupuwella mallapo akhalle, kinnaganizera dda ddittheddene muddeerilleenyu, mitteko dda mattaanyu.

Masalimo 105:2

Wiipelleni machipo awaatitimiha, tthopoollani ddoottikhiniha ddiwa ddittheddene.

Masalimo 104:34

Mavekellwaaka yaaddivelle Apwiya vawi kinnahakallalla mwa alliwa.

Deuteronomo 7:18

Muhiwoove alliwa koma muupuwelle nnddo Apwiya Mullukwaanyu yamweerenlliiwa Farao ni athwaaye.

Deuteronomo 7:19

Nave muupuwelle millilli ddawoopiha, ddoohoosa, ddoottikhiniha ni masiva muullupalli nndde moonilleenyu ni miitthwaanyu nnddo Apwiya yuukhumihalleniiwani. Athu attheene munawooveenywaalla Apwiya Mullukwaanyu eneerowoononga moollikana ni mmo yawoonongelliiwa Aiguputo.

Masalimo 105:5

Muupuwelleke mitteko ddoottikhiniha ni ezizindikiro ddiwa, mmo yaweeruzelliiwa athu,

Masalimo 119:52

Nyu Apwiya, kaganizera malamulwaanyu akhallekhalle, ennakikhurumusa murima.

Yesaya 63:11

Vano athu yahuupuwella dda enthawi yakhalle, mallapo a Mose oorumeyellaaye nave yaakoha wi, “Ethiyo eri wuuwi Apwiya ayo yaavullusalle athwiiwa ni oohoollella a mullokwiiwa va enyanja? Ethiyo eri wuuwi Apwiya ayo yahiyalle mwa athwiiwa munepiiwa waweella?