Masalimo 76:6 - Mawu a Mulluku

⁶ Nyu Mulluku a Yakobo, mwaahumullullalleenyu attheene oowella va akavalo ni akavalwiiweene yaakhwa.

Masalimo 76:6 ပူးပေါင်းရင်းမြစ်များ

Eksodo 15:1

Vano Mose ni Aisraelaalle yahiipa nchipo wa Apwiya wi, “Kinapaalla kiwiipelle Apwiya ekaamba yawi aapambana mootitimiheya, ahaavokhella mu enyanja akavalo ni oowellavo.

Eksodo 15:21

Nave Miriyamu aawiipella alliwaayo nchipo nawi, “Wiipelleni Apwiya ekaamba yawi aapambana mootitimiheya, ahaavokhella mu enyanja akavalo ni oowellavo.”

Ezekiele 39:20

Ddawoona o tebulwaaka muneerovona vawaattakhunani akavalo ni oowellavwiiwa, akhoto amasiva ni akhoto oohiyanahiyana’ Mi Apwiya Mulluku koollota.”

Masalimo 80:16

Adanaanyu aawuhella munllo, aawuuha, aweheni alliwaayo moonanariwa wi yoonongeye.

Zekariya 12:4

Nllapo nenno kineeromoopopiha mowaapheelliha muru arive kavalo nave oowellavo kineeromusavulla. Kineeroniwehera nibanja na Yuda koma akavalo attheene a adaniiwa kineerewaatthattusa oohoona.

Nahumu 3:18

We mwene a Asiriya, abusaawo enimakona, oohoollellaawo enimakwindima. Athwaawo yoomwareyella omiyaangoni, khaavo naari mmodda awaatthukumaniha.

Nahumu 2:13

Apwiya Amasiva Mattheene enaalleella a o Ninive wi, “Mi nginawaakhullellani, kineerowoosellani magaretaanyu. Nsupada nineerowonongellani akhotwaanyu ayo tti wonanko mikango. Kineerowaakhani ddittheddene nnddo mwaakhilleenyu va ellapo yavatthi, amithengaanyu khewa yiiweyattho mawu.”

Nahumu 1:6

Ethiyo ttaani anaawore wiimella vamiitthoni va Apwiya, alliwa eshille murima? Ethiyo ttaani anaawore ovillella o owalliiwa? Alliwa enniitha owalliiwa malluku ennaphweeya vamiitthoni viwa.

Yeremiya 51:57

Kineerolezeliha enduna ddaye ni eezerwaaye, oolamulellaaye, oohoollella ekhoto ni akhotwaaye. Eneerokona ekhove ddoonanara ddoohirurumuwana, mi, mwene, koollota, nnddina naka tti Apwiya Amasiva Mattheene.

Yeremiya 51:39

Yakuserera ottutthuwa, kineeroweerella machellello. Sika kineerowaalezeliha nave eneerohakallalla ni okona ekhove ddoohirurumuwana, ddoohivenyanattho.

Yesaya 37:36

Mungelo a Apwiya aaya o misasa ddakhoto dda Aasiriya awiiphawo akhoto 185,000. Ohinase athu yaawoona akhoto attheenaayo ekhwille, eri millumillu!

Masalimo 104:7

Mwaahumullullalle maaddaayo yaathawa, yiiwalle othuruma wa ogugudeya wanyu yaapallalleya.

Masalimo 18:15

Mitthipidda dda enyanja yoowallamella ddahooneya, matthipello a ellapo yavatthi yaakhalla vaweella, Nyu Apwiya mwasimweenyu moowalli, mwavumeenyu mwamasiva ovenyera mphunani mwiwa.

2 Samuele 10:18

Nave Asiriyaayo yahaathawa Aisraele. Davide ni akhotwaaye yaawiipha Asiriya aweetiha magareta 7,000 ni akhoto oowella va akavalo 40,000. Aamuphoriiha wunchichi Shobaki, akhoto muullupalli, wawi akhwella vaavo.

1 Samuele 26:12

Vano Davide aakusa nivaka ni muno wa maaddi nnddo ddaari omuruni wa Saulo avenyavo. Khaavo mwa akhoto a Saulo oonille apaalle adduwella nnddo ddeereyille. Nave khaavo oyo avenyille vawi Apwiya yaaweeriha wi ekonesese.

Eksodo 15:10

Koma mwahaaviddeellella ni ephevwaanyu nave enyanja yahaamirya, yaapwina wonanko mukoko ophiyera vatthi va maaddi awoopiha.”

2 Mamwene 19:35

Sika mahiiyu yaayo mungelo a Apwiya aaya o misasa ddakhoto dda Aasiriya awiiphawo akhoto 185,000. Ohinase athu yaawoona akhoto attheenaayo ekhwille, eri millumillu!

2 Epilli 32:21

Vano Apwiya yaamuruma mungelo nave aawiipha akhoto attheene amasiva ni oohoollella a o misasa dda mwene a o Asiriya. Sika aahokollweella owaniwa ari oowulliwa muru. Vano avollowille mu enyumba ya mullukwaaye, anaaye amodda yaamwiipha ni nsupada.