Masalimo 74:20 - Mawu a Mulluku

²⁰ Upuwellani echipanganwaanyu, vawi mapuro awiipittheya mwiillaponi, aatthattuwa mooweerella ekuku ddinchichi.

Masalimo 74:20 ပူးပေါင်းရင်းမြစ်များ

Masalimo 106:45

Yahuupuwella echipanganwiiwa ekaamba yawaakonda athwaayo. Yaakhurumusa murima ekaamba ya wunnuwa wa echikondiiwa yoohisintheya.

Aheberi 8:10

Vano ella sika echipangano kineereemi kikeraatthihe ni Aisraele m'mallaponi enawaayo, enallota tti Apwiya. Kineerewiiyaatthi malamulwaaka m'maganizoni mwiwa ni waalemba m'murimani mwiwa. Kineerokhalla Mullukwiiwa, nave alliwa eneerokhalla athwaaka.

Masalimo 105:8

Ennuupuwella echipanganwiiwa enthawi ettheene, mawiiwa yaalamulelliiwa wa mibado ddinchichi,

Masalimo 89:28

Kineeromukonda enthawi yoohimalla ni echikondaaka yoohisintheya, echipanganwaaka ni olliye khetathiya.

Masalimo 89:39

Mootathilla echipanganwaanyu ni oorumeyellaanyu, moovokhella munthupini enduwiraaye yoomwene.

Masalimo 5:8

Apwiya, kihoollelleni mu echilungamwaanyu, ekaamba ya adanaaka. Kipotokoselleni ettilla munapaalleenyu wi kithware.

2 Samuele 23:5

Vano Mulluku aneerodalisa edduullu ddaka kaambiiwa olliye aheera echipangano yoohimalla ni miyaano. Echipangano yootthopoowa phaama ni yoohimalla. Nndda sika kinakhallelleemi munkhella nave sika ddinaakivulluse, Mulluku sika anaaweere ddenndda.

Deuteronomo 12:31

Muhaallapelleke Apwiya Mullukwaanyu, moophwanaphwana ni mmo alliwa enallapellelliiwa milluku ddiwannddo. Alliwa enneera ddoonanara ddawoopiha ddinchichi ddawiitana ni Apwiya vawi ennaashellelliha aniiwa aallopwana ni aatthiyana vamunlloni vawaavelleellani wa milluku ddiwa.

Deuteronomo 9:27

Wuupuwelleni oorumeyellaanywaalle, Abrahamu, Isaki ni Yakobo nave muhipwathe wumma murima wa athwaalla, onanara wiwa ni ochimwa wiwa,

Yeremiya 14:21

Muhinitathille ekaamba ya nnddina nanyu, Muhivevulle mpandwaanyu woomwene ni wantitimiho. Upuwellani echipanganwaanyu ni hiyaano nave muhiyitathille.