Masalimo 74:15 - Mawu a Mulluku

¹⁵ Mwahaatuulla aneetuutu ni mihinje, mwahummiha mihinje dduullupalli.

Masalimo 74:15 ပူးပေါင်းရင်းမြစ်များ

Numeri 20:11

Vano Mose aatukhulla nnatta naye avadda nlluku olendo wiilli ni ekopwaaye. Nave mwaakhuma maaddi manchichi nave athu attheene vamodda ni eziweto ddiwa yaawirya.

Yesaya 48:21

Yaahoollelliiwa athwiiwa mu echipululu, alliwa kheyaavolliwalle nthona, yahaavaha maaddi ookhuma vanllukuni, yaatthalla nllukunno nave mwaakhuma maaddi.

Masalimo 105:41

Yaahulla nlluku maaddi ekhuma, yaheeta muchipululuni wonanko muhinje.

Yoswa 2:10

Nohiiwa mmo Apwiya yawelleellihelliiwa Enyanja Yoofiira nyu mwaphiyeenyu, mukhumaka mu ellapo ya Iguputo ni nnddo mwaweerelleenyu mamwene meelli Aamori, Sihoni ni Ogi, wookhuma nndduwa okhopella wa Yordani, ayo mwawoonongilleenyu.

Yawuupullulla 16:12

Mungelo aneetthanu ni mmodda aahella embalaaye m'muhinjeni muullupalli wa Yufurate. Vano muhinjooyo wahumma waavaha ettilla mamwene oovenyera wookhuma nndduwa.

Habakuku 3:9

Mwaahullulla muuraanyu munipuroni mwiwa, mwaakhumiha mipaamba mu nigonelo niwa, mwaatthalla ellapo yavatthi ni mihinje.

Yesaya 44:27

Miyaano sika kinalleella Enyanja Yuullupalli wi, ‘Umma nave mihinje ddawottho kineeroddummiha.’

Yesaya 11:16

Nave vineerokhalla musewu muullupalli wawi oohalla o Asiriya yeetemo wonanko Aisraele yavenyeriiwa o Iguputo.

Masalimo 78:15

Aakadda nlluku na mu echipululu, anaavaha maaddi manchichi wonanko a m'muhinjeni wi ewirye.

2 Mamwene 2:8

Vano Eliya aakusa mukanjwaaye awupinda aawashullana maaddi. Vaavo maaddaayo yaakawaneya, nngu ni nngu, ophiyera anamallotella eellaayo yaallapuwa vawumma.

2 Mamwene 2:14

Aakusa mukanjo wa Eliya awashullana maaddi, allota wi, “Eri wuuwi Apwiya, Mulluku a Eliya?” Awashullalle maaddaayo, yaakawaneya nngu ni nngu nave Elisha aallapuwa.

Masalimo 114:3

Enyanja yahoona ddenndda ethawa, muhinje wa Yordani waahokollweella mutulli.