Masalimo 73:24 - Mawu a Mulluku

²⁴ Munnakookollella ni malangizwaanyu, vatulli viwa muneerokaakhella mu ntitimiho nanyu.

Masalimo 73:24 ပူးပေါင်းရင်းမြစ်များ

Masalimo 32:8

Apwiya enallota wi, “Kineerewuulleella ni wuuhuddiha ettilla eyo onaaweetekeewemo. Kineerewuulangiza nave miitthwaaka eneerokhalla va weyaano.

Yesaya 58:11

Mi Apwiya kineerewuuhoollellani enthawi ddittheddene ni wuuvonihani ddaphaama navettho kineerollipiha miilli ddanyu. Munaakhalle wonanko emata yoohellelliwa phaama wonanko neetuutu oohiwelleella.

Masalimo 48:14

“Mullukwaahu tti awi ddiidda, tti Mullukwaahu waambeella enthawi yoohimalla, tti oohoollellaahu wa enthawi yoohimalla.”

Yesaya 48:17

Apwiya, Oowoopollaawo, Aweella a Israele enallota wi, “Mi tti Apwiya Mullukwaawo, ayo enuuhuddiha wi ddeko ddiweetelleke phaama, ayo enuuhoollella va ettilla yoophwanella oyithwara.

Yesaya 30:21

Mwaahapuwellaka onnattanatta apaalle onyotthoni, muneerewiiwa otulli wanyu mawu owuutthoonyihellani ettilla awi, “Ettilla tti yeella, muthwareke yeella.”

Masalimo 25:9

Ennaahoollella awiiyeviha weera ddoolungama, ennaahuddiha ettilla ddiwa.

Yakobo 1:5

Nave mmodda a nyuwaano aahikhalla ni ezeru, avekelle wa Mulluku. Aneerewaakhella vawi Mulluku annaavaha athu attheene ni murimaaye muttheene.

Yohane 16:13

Koma Munepa oodduwelliha yawoona aphiya, aneerewuudduwellihani ddawoona ddittheddene. Vawi khallotaka mwa olamulello wa yeekhaaye koma anaalloteke nnddo aniiwekeeye nave aneerekewuulleellani dda ddeko ddamuhoollo.

Yesaya 58:8

“Mweera ddenndda muneerowala wonanko ohinase nave makhwataanyu eneerovolla mwawaakuva. Echilungamwaanyu eneerewuuhoollellani nave ntitimiho na Apwiya nineerewuutetezani mutulli mwanyu.

Masalimo 84:11

Vawi Apwiya Mulluku sika nndduwa ni yawiitetezella, ennaneerella echifundo ni onivaha olemu, Apwiya khenawiimana ddaphaama athu oolungama.

Masalimo 49:15

Koma Mulluku aneerewoopolla okumaaka o olamulello wa mahame, ngiwa koova vawi aneerokaakhella.

Masalimo 16:7

Kineerewaatitimiha Apwiya ayo eri namukwaaka, naari ni mahiiyweene murimaaka onnakilangiza.

Yohane 17:5

“Vano Attiitthaaka, kititimiheni miyaano vamiitthoni vanyu ni ntitimiho nenno kaariimi ni nyuwaano ehinaphatusiwe ellapo yavatthi.

Yohane 17:24

“Attiitthaaka, kinapaalla wi ayo mwakivahilleenyu miyaano, yakhalle ni miyaano nko kinaakhalleemiwo, sika vano eneerewoona ntitimiho naka nno mwaakivahilleenyu kaambiiwa mwaakikonda ellapo yavatthi ehinaphatusiwe.

Yohane 14:3

Nave kuukhozerani nipuronno, kineerohokollowa wi kuukuseni nithaanane wi mwakhalle nko kinaakhalleemi.

Luka 11:13

Naari muri oonanara munnadduwella waavaha aniinyu ddeko ddaphaama. Vano Attiitthiihu ooddullu enaalephele mwawiidde waavaha Munepa Waweella ayo enamuveka olliye!”

Miyambo 8:20

Kinneeta mu ettilla yoolungama, mu misewu ddeechiweruzo.

2 Akorinto 5:1

Vawi ninnadduwella wi musasa olla ninakhalleehumo wakumulliwa, oyo tti mwiillaahu wa va ellapo yavatthimva, Mulluku aneeronivaha enyumba yoohimalla oddullu eyo ayikhozilleye.

Luka 23:46

Vano Yesu ahinlla mookhuwa wi, “Attiitthaaka, kinavelleella munepaaka m'mattani mwanyu!” Amallihalleeye aakhwa.

Mitteko 7:59

Yamuvokhiiwa mallukwaayo, Sitefano aavekella wa Apwiya wi, “Apwiya Yesu, akhellani munepaaka!”

Numeri 9:22

Naari murapooyo wakhuneella vaddullu va musasa wa wamutthukumano wa mallapo meelli apaalle mweeri apaalle enthawi yoorekama, Aisraele yaanakhallave vanipuronimvo nave kheyaatimulla. Koma murapooyo wawella, alliwa yaanatimulla.

Deuteronomo 18:2

Ehikhalleke ni yoohallana wonanko malloko ddimodda vawi Apwiya sika yoohallaniiwa moollikana ni mmo yaalonjezelliiwa.