22 Kaakarangeya oohiiwesesa wonanko enama
Ollota dda athu, kaallotattho m'murimani wi Mulluku annaweesa ni yoolinga yawi yoone wi alliwaayo khenahiyana naari vang'ono ni enama.
Muthu oohikhalla ni ezeru khanadduwella, muthu ookarangeya khaniiwesesa ddenndda.
Ddawoona, arive muthu annoona wi naari eezeru ennakhwa, emoddamoddave yeeyo ookarangeya ni oolloddowa, attheene ennaahiyera amodda eyuumiiwa.
Eng'ombe ennamudduwella mwaneena nave bulu annadduwella nko pwinnya anamuchiheeyewo koma Israele khanadduwella. Athwaaka kheniiwa naari vang'ono.”
Kookarangeya omukhwaranya muthu, nginna wiiwesesa wa muthu.
Muhikhalle athu ookarangeya wonanko kavalo apaalle bulu, oyo anookollelliwa ni mukoko wa muwano owaaka mukwe va muru, kaambiiwa waaheera ddiiddo khiiwellella.
Nyu Mulluku, munnadduwella okarangeya waka, ddoolakwa ddaka kheddiipittheya vamiitthoni vanyu.
Ethiyo nineeselliwa tini eng'ombe, nikarangeyelle tini vamiitthoni vawo?
Athu oonanara naari ephuweke wonanko manasi, oochimwa ddeko ddiweetelleke phaama, yayiwa tti echiwonongeko yoohimalla.
