Masalimo 73:1 - Mawu a Mulluku

¹ Ddawoona, Mulluku tti aphaama wa Israele, wa athu aweella murima.

Masalimo 73:1 ပူးပေါင်းရင်းမြစ်များ

Mateyu 5:8

Oodalisiwa tti ayo eri aweella murima, vawi eneeromoona Mulluku!

Masalimo 51:10

Mukiphatuselle murima waweella, nyu Mulluku, muhiye mwa miyaano murima wanaanweene ni wookeraattheya.

Luka 12:32

“Muhoove, nyuwaano ayo muri wonanko mulloko wa enkhosa ddooweerengeya vawi Attiitthaanyu yaakonda wi yuuvaheni omweniiwa.

Masalimo 84:11

Vawi Apwiya Mulluku sika nndduwa ni yawiitetezella, ennaneerella echifundo ni onivaha olemu, Apwiya khenawiimana ddaphaama athu oolungama.

Yakobo 4:8

Mumwaatamelleke Mulluku nave olliye aneerowaatamellani. Muddeellihe, nyu athu oochimwa! Ellihani mirima ddanyu, nyu athu a mirima miilli!

Yohane 1:47

Yesu amoonilleeye Natanaele awaaka wa olliye, aallota dda olliyooyo wi, “Olla sika mu Israele awoona, mwa olliyooyo khamuri woottha.”

Tito 3:5

aanivullusa ohiri ekaamba ya echilungamwaahu koma ekaamba ya echifundwaaye. Aanivullusa hiyaano oweella mwa obadiziwa wa oyariwa wanaanweene nave aanitthattusa anaanweene oyeella mwa Munepa Waweella.

Aroma 4:16

Sika lonjezo naakeraatthihiwa va echikhulupililo nave lonjezonno ninasimikiza wi tti echisomo ya Mulluku wa edduullu ddittheddene dda Abrahamu, ohiri wa athuve eniiwellella malamulo komattho wa ayo enakhulupilila wonanko mmo Abrahamu eerilleeye. Vawi Abrahamu tti nikhollo na hiyaano attheene ookhulupilila,

Masalimo 50:1

Apwiya Mulluku Amasiva Mattheene animallota, anawiithana athu attheene a va ellapo yavatthi, ovenyera wookhuma nndduwa ophiyera woovollowa nndduwa.

2 Epilli 29:30

Vano mwene Hezekiya ni enduna ddaye yahaalamula Alevi wi yiipe machipo owaatitimiha Apwiya moollikana ni mawu a Davide ni namallotella Asafu. Vano yahiipa moohakallalla nave yaakokhora ellapella.

Yeremiya 4:14

We Yerusalemu, venyihamo ddoonanara m'murimani mwawommo wi ovulluwe. Ethiyo onaakhalleve ni maganizo oonanara ophiyera niini?

Masalimo 83:1

Nyu Mulluku, muhimaalleye, muheere phee, muheere ellapo tuu nyu Mulluku.

Masalimo 73:18

Ddawoona, munnaanyingalliha voottherenya oonanara, munnaakuha ophiyera ennoonongeya.

Masalimo 42:11

Kaambiiwa tini onamoriweewe ethakaraka, we murimaaka? Kaambiiwa tini onakatamihiweewe muwari mwaka? Mutiyere Mulluku vawi kineeromutitimihattho, oyo ari oovullusaaka ni Mullukwaaka.

Masalimo 24:4

Tti oyo aneera ddaphaama, ari ooreera murima, ahinallapella mafano, ahinallupella moolleka.

Masalimo 2:6

Apwiya enallota wi, “Kaamutthoolla khalle mwenaaka, vamwaangoni waweella wa Ziyoni.”

1 Epilli 16:37

Sika mwene Davide aamuhiya Asafu ni abalaaye nko waari nibokosi na echipangano na Apwiya wi erumeyelleke enthawi ddittheddene wonanko mmo wapaalleya nirive nllapo.

1 Epilli 16:7

Vano nllapo nenno Davide aganizalle wi ello yawaamba ekhalle wiipa machipo owaathokoza Apwiya moohoollelliwa ni Asafu ni akhwaaye.

1 Epilli 15:17

Sika Alevi yaamutthoolla Hamani, mwaana a Yowele nave mwa abalaaye yaamutthoolla Asafu, mwaana a Berekiya ni Etani, mwaana a Kushaya Mwa edduullu dda Merari.

1 Epilli 6:39

Asafu aari oohoollella mulloko waneepiilli wa awiipa machipo. Olliye aari mwaana a Berekiya, mwaana a Shimea,