Masalimo 72:3 - Mawu a Mulluku

³ Miyaango ddineerokusella madaliso wa athu, asimiyaango eneerowaana echilungamo.

Masalimo 72:3 ပူးပေါင်းရင်းမြစ်များ

Yesaya 52:7

Tti woohakallalliha owa wa oollalleya othenga waphaama, voomoonani eetaka m'miyaangoni, allalleyaka dda murendelle, awaakana epilli yaphaama, allalleyaka ovullusa, aalleellaka athu a o Ziyoni wi, “Mullukwaanyu tti mwene!”

Yowele 3:18

“Nllaponno naphiya miyaango ddineeromukhumiha vinyo ooddiva, asimiyaango eneereweeta mukaka. Mihinje ddittheddene dda o Yuda ddineeroddalla ni maaddi, neetuutu aneerokhuma mu enyumba ya Apwiya, aneerohellella ntapo na Shitimu.

Daniele 9:24

“Miyakha 70 waatiha otthanu ni opiilli ddaakeraatthihiwa wi athwaawo ni muzindaawo waweella ehiye ddeekuku ni machimo. Epepeselle machimo wi echilungamo yoohimalla ephiye. Vano nndde woonilleewe m'masomphenya navettho nnddo ddallotelliwe ddineereweereya nave nipuro naweellesesa nineerokeraatthihiwattho.

Masalimo 72:16

Mu ellapo mukhalle yoocha yinchichi, vaddullu va mwaango vikhallettho ddeko. Ezipaso ddaye ddikhalle ddinchichi wonanko dda o Lebanoni. Athwaaye yaate m'mizindanimmo wonanko manasi amuhakani.

Masalimo 65:12

Naari mapuro oochiha enama a muchipululuni, onnamella munyepu munchichi, miyaango ddinnaddallihiwa ni ohakallalla.

Yesaya 45:8

We murapo, murupihe murimu ovenyera oddullu, mirapo ddiithe echilungamo. Ellapo yavatthi ehulleye wi vikhume ovullusa, wi vimelle echilungamo. Mi Apwiya sika kinaphatusa ddenndda.”

Yesaya 60:17

Kineerewuuvaha golide munipuroni mwa bronzi, siliva munipuroni mwa mukoko, bronzi munipuroni mwa muteekho, mukoko munipuroni mwa nlluku. Awuuwehera kineerewaatthattusa amurendelle, awuulamulella kineerewaatthattusa oolungama.