Masalimo 72:17 - Mawu a Mulluku

¹⁷ Nnddina naye nihitiwalliwe naari vang'ono, epillaaye ekhallevove wonanko nndduwa. Athu yaakhelle madaliso ekaamba ya olliye, mitundu dda athu ddittheddene ddimweere oodala.

Masalimo 72:17 ပူးပေါင်းရင်းမြစ်များ

Yesaya 7:14

Ekaamba ya yeella Apwiya weekhiiwa eneerewuuvahani echizindikiro. Ngoonani, namwalli aneerokhalla ni erukullu nave aneeromuyara mwaana aamullopwana nave aneeromuvaha nnddina nawi Imanuwele.

Mateyu 1:23

“Namwalli aneerokhalla ni erukullu nave aneeromuyara mwaana aamullopwana. Athu eneerekomuromolla wi Imanuele ottaphullella wi Mulluku ari ni hiyaano.”

Masalimo 89:36

Edduullu ddaye khaddimalla wa enthawi yoohimalla, mpandwaaye woomwene oneerokhallawo enthawi ettheene wonanko nndduwa vamiitthoni vaka.

Genesis 12:3

Kineerewaadalisa attheene enuudalisa weyaano, koma kineeromutembelela arive muthu anuutembelela weyaano. Oweella mwa weyaano mitundu ddittheddene dda va ellapo yavatthi ddineerodalisiwa.”

Luka 1:48

vawi ookuupuwella miyaano, oorumeyellaaye oovevuwa! Waambeella ollello oya muhoollo athu attheene eneerokeera oodalisiwa,

Afilipi 2:10

Sika vano, vootitimihani nnddina na Yesu ddoophatuwa ddittheddene ddooddullu, dda vatthimva ni dda vatthi va ellapo yavatthi ddineeromukokhorella.

Genesis 22:18

Vawi weyaano wookiiwellella navettho mitundu ddittheddene dda va ellapo yavatthi ddineerodalisiwa oyeella mwa edduullu ddawo.’ ”

1 Petro 1:3

Nimuthokoze Mulluku Attiitthiiwa a Apwiihu Yesu Khrisitu! Ekaamba ya echifundwaaye yuullupalli aanivaha okumi wanaanweene ni otiyerella wookumi voomuvenyihani Yesu Khrisitu wa ookhwa.

Akolose 1:3

Ninnamuthokoza Mulluku, Attiitthiiwa a Apwiihu Yesu Khrisitu enthawi ddittheddene naawuuvekellakani.

Yeremiya 4:2

Mullupelleke wi, ‘Mu nnddina na Apwiya Ookumi.’ Mweereke ddenndda mwawoona, mweechilungamo ni moororomelleya. Vano athu a mitundu ddittheddene eneerokiveka wi kaadalise nave eneerokitthamalla.”

Aefeso 3:14

Ekaamba ya yeella kinnaakokhorella Attiitthaaka,

Aefeso 1:3

Hankoni nimuthokoze Mulluku, Attiitthiiwa a Apwiihu Yesu Khrisitu! Vawi mu eyaattanweehu ni Khrisitu oonidalisa voonivahani ovenyera oddullu erive madaliso a Munepa.

Agalatiya 3:14

Khrisitu Yesu aheera ddenndda wi madaliso ayo Mulluku aalonjezilleeye wa Abrahamu evahiwe wa athu a mitundu ddittheddene oweella mwa Khrisitu. Vano wi oweella mwa echikhulupililo naakhelle Munepa waalonjeziwe ni Mulluku.

Mitteko 3:16

Nnddina naye ni echikhulupililo mu nnddina naye sika emullipihalle muthu ooheeta olla munamooneenyu nave munamudduwelleenyu. Echikhulupililwaaye mwa Yesu, yoomuchiriha muthoolla attheenenyu moonaka.

Mateyu 1:21

Aneeromuyara mwaana aamullopwana nave aneeromuvaha nnddina nawi Yesu kaambiiwa aneerewaavullusa athwaaye o machimwiiwa.”

Masalimo 45:17

Kineerovuwiha nnddina nanyu o mibado ddittheddene sika athu eneerewuuriihani wa enthawi yoohimalla.

Eksodo 3:15

Nave Mulluku aamulleellattho Mose wi, “Waalleelle Aisraele wi, ‘Apwiya Mulluku a makhollwaahu, Mulluku a Abrahamu, Mulluku a Isaki ni Mulluku a Yakobo sika akirumihalle wa nyuwaano.’ Nenna sika nnddina naka wa enthawi yoohimalla. Nenna sika nnddina nno ddinaakiromollellekiiwa mibado ddittheddene ddamuhoollo.

Yawuupullulla 15:4

Athu attheene eneerowoovani nyu Apwiya, khaavo anaakhoote otitimiha nnddina nanyu, vawi nyuwaano tti aweella. Athu a mitundu ddittheddene eneeroowa ni wuullapellani nyuwaano, kaambiiwa mitteko ddanyu ddoolungama ddohooniwa wa athu attheene.”

2 Samuele 7:13

Yooyo sika anaakimakelle enyumba nave kineerokeraatthiha mpando wa omwenaaye wa enthawi yoohimalla.

2 Samuele 7:16

Vano kineerokeraatthiha nibanja nawo ni omwenaawo wa enthawi yoohimalla vamiitthoni vaka. Ddawoona, kinallota wi omwenaawo oneerokhalla wa enthawi yoohimalla.’ ”

1 Epilli 17:12

Yooyo sika anaakimakelle enyumba nave kineerokeraatthiha mpando wa omwenaaye wa enthawi yoohimalla.

Masalimo 21:7

Vallethi mwenooyo annaaroromella Apwiya khanatikheya ekaamba ya echikondi yoohisintheya ya Amasiva Mattheene.