Masalimo 72:10 - Mawu a Mulluku

¹⁰ Mamwene a o Tarishishi ni a o ezilumba eneerowaana mituka navettho mamwene o Sheba ni o Seba eneerowaana emphaso.

Masalimo 72:10 ပူးပေါင်းရင်းမြစ်များ

Yesaya 60:6

Mulloko wa ekamira* oneerewuuhuruwella, ekamira dding'onong'ono dda o Midiyani ni o Efa. Attheene a o Sheba eneeroowa, emukusalle golide ni lubani,* eneerewaatitimiha Apwiya moowelliha mawu.

Yesaya 49:7

Apwiya, Aneerewoopolla ni Aweella a Israele, enallota wa oovevulliwa wunchichi, awiitiwa ni mitundu ddimodda dda athu, kaporo a mamwene eekuku wi, “Mamwene eneerewiimella moolemu voowoonani, naari enduna ddineeropopheya ekhove ddiwa.” Ddenndda ddineereye ekaamba ya Apwiya oororomelleya, Aweella a Israele ayo yuutthoollille.

Masalimo 68:29

ovenyera o enyumbaanyu ya o Yerusalemu, nko mamwene ennawiiwa ni emphaso wa nyuwaano.

1 Mamwene 10:1

Mwene aamutthiyana a o ellapo ya Sheba iiwalleeye dda ovuwa wa Solomoni ddawaatitimiha Apwiya, aaya wa Solomoni wi amukohe makoho ookatamiha.

Yesaya 60:9

Ddenndda tti esitima ddoovenyera o ellapo ddawoorekama, dda o Tarishishi ddiri vahoollo. Ddinaakitthiha aniinyu ayo emukusalle siliva ni golide wi atitimihe nnddina na Apwiya Mullukwaanyu, ekaamba yawi Aweella Aisraele ahuuriihani.

Masalimo 45:12

Athu a o Tiro eneeroowa ni emphaso, athu eeyuuma eneeroveka echifundwaawo.

2 Epilli 9:21

Mwenoolle aanaakhella esitima ddoovenyera o Tarishishi. Esitima ddoovenyera o Tarishishi ddaanawaana allupa mutteko a Huramu, malluku agolide, malluku asiliva, manyaka eethepo, akholle ni anachama.

Genesis 10:7

Anamwani a Kushi yaari Seba, Havila, Sabita, Raama ni Sabiteka. Anamwani a Raama yaari Sheba ni Dedani.

Mateyu 2:11

Yavollowilliiwa mpa, yaamoona mwaanooyo ari ni amennya, Mariya. Vano yaakokhora emullapella. Yaattaphulla eyuumiiwa emuvaha emphaso dda golide, lubani* ni makhura a nthuko naphaama na mure.*

Yesaya 60:3

Athu a mitundu ddimodda eneerothwara owala wawo, mamwene eneeroowa o onyezimella wawo wonanko nndduwa naakhumaka.

Yesaya 43:6

Kineerewaalleella oompoto wi, ‘Ahiyeni!’ Kineerewaalamula oomwera wi, ‘Muhaawanddeellelle!’ Anaaka aallopwana ehokollowe ovenyera o ellapo ddawoorekama, anaaka aatthiyana ewe ovenyera wookomella ellapo yavatthi,

Yesaya 43:3

Mi tti Apwiya Mullukwaawo, Aweella a Israele, Oovullusaawo. Kinamvelleella Iguputo voowoopollani weyaano, kinamvelleella Kushi ni Seba munipuroni mwa weyaano.

Yesaya 42:10

Muwiipelle Apwiya nchipo nanaanweene! Nyu ookhalla mu ellapo yavatthi ettheene, atitimiheni! Nyu ddoophatusiwa ddittheddene dda mu enyanja, ariiheni. Nyu ellapo ddawaatamella attheene ookhalla wenko wiipelleni.

Yesaya 42:4

Khafookella apaalle otathilla murima ophiyera ekeraatthihalle echilungamo va ellapo yavatthi, ellapo ddawoorekama ddinatiyerella malamulwaaye.”

1 Mamwene 10:25

Arive muthu aanawaana emphaso ddaye ddinchichi, ddeko ddoopangiwa ni siliva ni golide, ddoowara, mure,* makhura awunkhella, akavalo ni enyuru.* Nndda ddaaneereya orive muyakha.

1 Mamwene 10:10

Vano aamuvaha mwenoolle golide makilogaramu 4,000, makhura awunkhella manchichi ni malluku manchichi oowallamella mutengo. Mwene Solomoni aari ahinavahiweke makhura awunkhella manchichi mwawi ddiidda nnddo mwene aamutthiyana a o Sheba aamuvahilleeye.”

1 Mamwene 10:2

Ayiille o Yerusalemunko ni mulloko muullupalli wa oomurumeyellaaye ni ekamira* nnddo ddatukhunlle makhura awunkhella, golide munchichi ni malluku oowallamella mutengo. Aphiyalleeye wa Solomoni aamukoha makoho mattheene aariiyena.

Estere 10:1

Mwene Ahasuwero aanakhomiha musonkho mu omwenaaye ottheene ni owaakattho ezilumba.

Masalimo 68:30

Humullullani enama yawoopiha yookhalla mu epango, enduna ni athwiiwa, ayo enakhalla wonanko mulloko wa anankhoro a eng'ombe owaaka asaanaang'ombe. Anyingallelleni ayo enapaalla makobiri moonanara apallalleseni athu ookonda ekhoto.