Masalimo 71:20 - Mawu a Mulluku

²⁰ Nyu mwanoonihalle ddookatamiha ddoovoreya muneeronivenyiha, muneerokikhumihattho mu nlliti noowallamella na vatthi va ellapo.

Masalimo 71:20 ပူးပေါင်းရင်းမြစ်များ

Masalimo 138:7

Naari keete variyari va ddookatamiha, nyu, munnasunga okumaaka. Munnattaphurusa nnatta nanyu waahiiha adanaaka oosha murima, nnattanatta nanyu ninnakivullusa.

Masalimo 60:3

Mooweeriha athwaanyu wi yoone ddoohoosa. Mooniwiriha vinyo oolezeliha.

Masalimo 86:13

Vawi echikondaanyu yoohisintheya va miyaano tti yuullupalli nave mwahaakihera okumaaka o woowallamella wa ellapo ya ookhwa.

Masalimo 80:18

Vano khanuuhiyanittho, nivaheni okumi wi nillapelle nnddina nanyu.

Yona 2:6

Kaakitthella muhitohito, m'mamellello a mwaango, o ellapo ya machiwi oowalliwa ni maloko oohihulleya wa enthawi yoohimalla.

Masalimo 119:25

Kinalluwella vanthupini, kihokolloselleni okumaaka moollikana ni mawaanyu.

Masalimo 16:10

Miyaano oororomelleyaanyu, khamukihiya o ellapo ya ookhwa, khamwaakhullella wi kuntelle mu mahame.

Yawuupullulla 7:14

Kaamwaakhulla wi, “Apwiya, munadduwella tti nyuwaano.” Aakilleella wi, “Yaalla sika athu ayo yavillenlle mu ddoohoosa ddawoopiha. Yaahuwa nave yeelliha ddoowara ddiwa ni nikhame na mwaanaankhosa.

Aefeso 4:9

Vano mawu awi, “aawella” enattaphullella tini? Enattaphullella wi vawaamba aakittha ohito woowallamella wa ellapo.

Mariko 15:34

Va enthawi ya 3 koloko Yesu aakhuwa moollipiha wi, “Eloi, Eloi, lama sabakitani?” (Ottaphullella wi, Mullukwaaka, Mullukwaaka, mukihiyere tini miyaano?)

Yesaya 38:17

Ngoonani, kahoona ovoreya wi kikhalle phaama, moovullusa okumaaka o mahame, mohaatathillella machimwaaka mattheene otulli wanyu.

Yesaya 26:19

Athu ookhwa eneerokhallattho ni okumi, miilli ddiwa ddineerovenya. Nyu attheene muri mu mahame, venyani ni wiipa nchipo moohakallalla. Wonanko nikame ninoollowihelliiwa vatthi ohihimulla ddoomella, emoddamoddave yeeyo Apwiya eneerewaavenyiha ookhwa.

Masalimo 85:6

Ethiyo khamunivahattho okumi wi hiyaano athwaanyu nihakallalle ni nyuwaano?

2 Samuele 12:11

Vano mi Apwiya kinallota wi kineerewuumorihella ddoonanara vanibanjani vawo vaavo. Kineerowaakha awariyo, weyaano woonaka, kimwinnye mukhwaawo nave aneerokona ni awariywaayo nndduwa noopaka!

Mitteko 2:24

Koma Mulluku aamuvenyiha wa ookhwa, amuttaphulla o ddoovoreya dda okhwa kaambiiwa khawaari wooworeya wi okhwa omuwanddeellelle.

1 Samuele 2:6

Apwiya ennawiiha okhwa nave ennahokollosella okumi.

Masalimo 60:5

Ookondiwaanyu yaakiheriwe avulluseni ni nnattanatta nanyu, munaakhulle hiyaano.

Masalimo 95:4

Mapuro oowallamella a va ellapo yavatthi eri m'mattani mwiwa, miyaango ddoorekama tti ddayiwattho.