Masalimo 71:10 - Mawu a Mulluku

¹⁰ Adanaaka ennallota dda miyaano, ookithwara manyallo ennakipanganella.

Masalimo 71:10 ပူးပေါင်းရင်းမြစ်များ

Yeremiya 20:10

Kinnawiiwa anchichi enong'onaka wi, “Ddawoopiha ddiri orive weko!” Enallota wi, “Khaweni mwamootthere! Hankoni namusumelle!” Akhwaaka ennatiyerella olephela waka, ennallota wi, “Apaalle ttuumootthella, sika nineeromuphara wi nimuhokolloselle ddoonanara.”

Masalimo 83:3

Ennaapanganella ddoonanara athwaanyu moochenjera, enniiwanana ddoonanara va ayo munaatetezeenyu.

Masalimo 56:6

Ennatthukumana anayaayove enakiipitthella, ennakithwara manyallo, ennapaalla okiipha.

Masalimo 31:13

Kinnawiiwa athu enong'onellanaka ddoonanara ddaka, ddawoopiha ddookaapheella virive veko. Ennapangana ddoonanara ddookiwukila eniiwanana wi ekiiphe.

Mateyu 27:1

Osaka wene ohinase allupa mukutho uullupalli attheene ni attekweene a Ayuda* yaakumana wi yiiwanane ddoomwiipha Yesu.

Miyambo 1:11

Yallota wi, “Nithware wi namwiipitthelle muthu wi nimwiiphe, namwiipitthelle muthu oohilakwa.

Masalimo 10:9

Annawiipitthella wonanko mukango, anniipittha wi aaphare oohoowa wi aapurullelle munthavini mwaye.

Masalimo 2:2

Mamweniiwa ennapangana ddakhoto, oolamulelliiwa enniiwanana ddoonanara, ddawaawukila Apwiya ni oozoziwiiwa.*

1 Samuele 19:11

Mahiiyu yaayo Saulo ahaaruma athu o enyumba ya Davide wi yamwiipitthelle wi emwiiphe ohinase. Koma Mikala aamulleella mamune Davide wi, “Mwaahithawa mahiiyu vaava osiisello munimiiphiwa.”

Masalimo 109:20

Ddenndda ddikhalle mallivello oovenyera wa Apwiya waamorella ookootthera, ddaamorelle ayo enallota ddoonanariha okumaaka.