Masalimo 7:9 - Mawu a Mulluku

⁹ Pepaani, mallihani ddoonanara dda oochimwa, koma aphaama mwaakeraattheyihe. Munnadduwella maganizo ni mirima ddene, nyu tti Mulluku oolungama.

Masalimo 7:9 ပူးပေါင်းရင်းမြစ်များ

Yeremiya 11:20

Sika kaavekella wi, “Nyu Apwiya Amasiva Mattheene ayo muneeruza moolungama, ayo muneesa murima ni maganizo, onesesani wi mohaahokollosella ddoonanara vawi kahiivelleella m'mattani mwanyu!”

Yeremiya 17:10

Mi Apwiya kinnawumolleella murima nave kinnaweesa maganizo wi kimweerelle arive muthu moollikana ni ettilla ddaye moophwanellella ni mitteko ddaye.”

Yeremiya 20:12

Nyu Apwiya Amasiva Mattheene, munnaweeruza athu moolungama. Kinnavelleella mullatwaaka wa nyuwaano wi mwaahokolloselle ddoonanara adanaaka.

1 Epilli 28:9

Nave we Solomoni mwanaka, omudduwelle Mulluku a attiitthaawo nave omurumeyelleke ni murima muttheene ni okumaawo muttheene. Vawi Apwiya ennadduwella murima, maganizo ni minkhella dda arive muthu. Wawaashaasha oneerewaaphwanya koma waareya etulli eneerowutathilla wa enthawi yoohimalla.

1 Samuele 16:7

Koma Apwiya yaamulleella Samuele wi ohinawehaka oreera apaalle orekama waye vawi yooyo koomukhoota. Apwiya khenoona wonanko athu enoonelliiwa. Athu enaweha dda otte koma Apwiya enaweha dda m'murimani.

Yawuupullulla 2:23

Kineerowiiphattho oomuthwaraaye wi mipingo ddittheddene ddidduwelle wi miyaano kinnadduwella maganizo ni mirima dda arive muthu. Nave kineeromuthuva arive muthu moollikana ni mitteko ddaye.

Masalimo 139:1

Nyu Apwiya mooheesa murimaaka nave mookidduwella

Masalimo 44:21

ethiyo Mulluku khaaddiphwanye ddenndda? Vallethi annadduwella ddawiipittheya dda m'murimani.

Masalimo 37:23

Apwiya ennahoollella meetello a muthu oolungama, ennaseera ettilla ddinaaddivella.

Masalimo 26:2

Nyu Apwiya, mukiwehesese nave mukeese, moone murimaaka ni maganizwaaka.

Masalimo 11:5

Apwiya ennaweesa oolungama ni oonanara, enniitana ni oonanara, ooddivelliwa owukila.

Masalimo 10:15

Onongani masiva a oonanara ni oochimwa, mullakeni va ddoonanara eerilleeyennddo, ophiyera wi ahaakullellettho.

Aroma 16:25

Mulluku atitimihiwe! Olliye annawora ollipiha echikhulupilwaanyu moollikana ni othenga waphaama wa Yesu Khrisitu kinallalleyeemi navettho moollikana ni wuupullulla yawoona yookhuweya eyo yavitthiwe miyakha ddinchichi khalle.

Masalimo 17:3

Naari mweese murimaaka, khaya okiwehesesa mahiiyu, naari mukitthurumelle mwawiidde, khamukiphwanya ni mullatu, vayanoni vaka khavinallota yoonanara.

Mitteko 12:23

Enthawi yeeyo mungelo a Apwiya aamweeriha Herode wi avoriiweke kaambiiwa khaamutitimihalle Mulluku. Aakhuma miingu nave aakhwa.

Masalimo 58:6

Nyu Mulluku, khullani miino muwano mwiwa, nyu Apwiya, kaddani etwaatwara dda mikangonndda.

Masalimo 10:18

Sika munnaateteza oohoosiwa ni akhwaadduni, wi athu a va ellapo yavatthi ehiwoopopihettho.

Daniele 11:45

Aneerotthipella misasa ddaye ddoomwene variyari va enyanja ni mwaango waweella wooreera. Komave voomallihella mwenooyo aneerewiiphiwa oohikhallavo oomwaakihera.

Masalimo 40:2

Yaakiruulla mu nlliti nawoopiha, ehime yamatokwi. Yaakiimesa vanllukuni, ekeetiha phaama.

1 Samuele 2:9

Ennateteza okumi wa athu owaaroromella alliwa koma athu oonanara eneerewaakhurumusa mwiipiphini vawi khaavo muthu anaapambane ni masivaaye.

Yuda 1:1

Ovenyera wa miyaano Yuda, oorumeyella a Yesu Khrisitu ni mwanamunne a Yakobo. Kinuulembellani nyuwaano mwiithaniwe nave munakondiwa ni Mulluku Attiitthaanyu ni oteteziwa ni Yesu Khrisitu.

1 Petro 5:10

Nave mwahoosiwalle wa enthawi yooyeva, Mulluku a echisomo ettheene, oyo awiithanilleni wi mukawanena mu ntitimiho naye noohimalla mu eyaattano ni Khrisitu, olliye yeekhaaye aneerewuuhokollosellani masivaanyu, aneerewuullipihani navettho aneerewuukeraatthihani.

1 Atesalonika 3:13

Mwa yeella aneerewuullipihani mirima ddanyu nave muneerokhalla aphaama ni aweella vamiitthoni va Mullukwaahu ni Attiitthiihu yaawaaka Apwiihu Yesu vamodda ni athwaaye attheene.

Genesis 20:5

Abrahamu vookilleellani allotille wi, ‘Tti murokoraka,’ Nave olliyettho mwaneenaaye aallota wi, ‘Tti murokoraka.’ Miyaano vaweerani ddenndda, ngoonille yawuupusella murima nave ngichimwalle.”

1 Mamwene 8:32

vaavo nyu mwiiwe oddullunko nave mweerevo ello ni oweeruza oorumeyellaanywaayo. Oochimwa mukamulle wi tti oolakwa nave mumullake moollikana ni ddoolakwa ddaye. Koma oohichimooyo mukamulle wi khanna mullatu nave mumuvahe oolungama moollikana ni echilungamwaaye.

Masalimo 9:9

Wa Apwiya tti woothawellawo athu oophittiwa, tti woovulluwellawo enthawi ya ddawoopiha.

Masalimo 18:21

Miyaano kaathwara ettilla dda Apwiya, ngaachimwalle voomuhiyani Mullukwaaka.

Masalimo 35:23

Nyu Mullukwaaka ni Apwiyaaka, venyani, hankoni mukiseere va mullatwaaka.

Masalimo 43:1

“Nyu Mulluku, kamullani wi miyaano ngilakwille, mukiseere vamullatuni vaka ni oohikhulupilila, mukivulluse wa athu oolleka ni oohilungama.

Masalimo 96:10

Llalleyani wa mitundu ddittheddene dda athu wi, “Apwiya sika mwene. Ellapo yavatthi yaakeraatthihiwa moollipa, khewa etikheya. Eneereweeruza mitundu ddittheddene dda athu mweechilungamo.”

Masalimo 96:13

vamiitthoni va Apwiya, vawi enimawa wi yeeruze ellapo yavatthi. Eneereweeruza ellapo ettheene mweechilungamo, athu a mitundu ddittheddene mwawoona.

Masalimo 98:9

vamiitthoni va Apwiya vawi enimawa wi yeeruze ellapo yavatthi. Eneereweeruza ellapo ettheene mweechilungamo, mitundu ddittheddene moohiweha ekhove.