Masalimo 7:16 - Mawu a Mulluku

¹⁶ Sika ddoonanara ddiwa ddinnaarukunuwella, ekukwiiwa ennaahokollweella aneeniiwa.

Masalimo 7:16 ပူးပေါင်းရင်းမြစ်များ

Estere 9:25

Koma Estere aphiyalleeye vamiitthoni va mwene, mwenooyo aalamula voolembani wi ddoopaalla owoononga Ayuda nnddo ekeraatthihalle Hamani, ddimmorelle yeekha nave wi Hamanooyo ni anaaye aallopwana emakellelliwe vamuteekhoni.

1 Mamwene 2:32

Apwiya eneeromullaka Yowabu kaambiiwa aawiipha ni nsupada athu eelli eechilungamo omukhwaranya olliye, attiitthaaka Davide ehidduwellaka. Athwaayo yaari Abinere mwaana a Nere oyo aari akhoto muullupalli a o Israele ni Amasa mwaana a Yetere akhoto muullupalli a o Yuda.

Masalimo 36:12

Ngoonani, oonanara ahiikuha moogonja, mohaakhuddakulla nave khewora ovenya.

1 Samuele 28:19

Vano eneerewuuhiya weyaano ni Aisraele m'mattani mwa Afilisti. Nave osiisello weyaano ni anaawo muneeroowa wuno kiriminngu, ellapo ya ookhwa. Apwiya eneerohiya mulloko wakhoto wa Aisraele m'mattani mwa Afilisti.”

1 Samuele 26:10

Nave Davide ahaalleella wi, “Kinnadduwella wi Apwiya sika enaamwiiphe apaalle nllapo naye nakwakhwana wi akhwe apaalle aniiphiwe okhotoni.

1 Samuele 23:9

Koma Davide aadduwella wi Saulo anapaalla omwiipha. Vano aamulleella mullupa mukutho Abiyatara wi aweena efodi.

Masalimo 36:4

Anaganiza ddoowukila aakonaka mahiiyu, anneeta mu ettilla eyo ehiri yaphaama, khanarapa ddoonanara.

1 Mamwene 21:19

Vano wamulleelle wi Apwiya enuukoha wi, ‘Ethiyo khewiiphalle ni waakhattho?’ Wamulleellettho wi Apwiya eni ‘Vanipuroni mvo anapwa yallanddiiwa nikhame na Naboti, vaavottho eneerollanndda nikhame nawo.’ ”

Estere 7:10

Sika athwaayo yaamumakellella Hamani vamuteekhoni wawiimakellellavo oyo apotokosihalleeye wi amumakellellevo Mordekai. Vatulli viwa murima wa mwene waakeraattheya.

Yobu 4:8

Kohoona wi enaalla machimo ni omidda ddoonanara, enahata emoddamoddave.

Masalimo 9:16

Apwiya aadduupullulla weekhiiwa vaweeruzani moolungama. Athu oonanara aamakiwa mu musampha wooreya weekhiiwa.

Masalimo 35:8

Yoonongeye moohitiyerella, yaange mu nthavi nooreya weekhiiwa, emorelle mu nlliti nookata aneeniiwa.

Masalimo 57:7

Nyu Mulluku, murimaaka wookeraattheya, murimaaka wookeraattheyesesa. Kineerewiipa nchipo, nchipo nene nawuutitimihani.

Masalimo 141:10

Athu oonanara attheene ekoliwe mu nikwekwe niwa, koma miyaano kivulluwe.

Miyambo 1:19

Wenngu sika omalla wa athu oopata eyuuma mwa ettilla ddoohitthopoowa. Eyuumeeyo ennawiipha ayo yaakhille.

Miyambo 26:27

Oyo anakata nlliti anaamorellemo yeekha nave oyo anaphikirisa nlluku ninamphitte yeekha.

Oollalleya 10:8

Oyo anakata nlliti ttuumorellamo yeekha. Oyo anaphovolla esiri ttuullumiwa ni enowa.