Masalimo 7:13 - Mawu a Mulluku

¹³ Aneeroddikhoza ezida ddaye ddawoopiha, aneerokusa mipaamba ddamunllo omuurani waye.

Masalimo 7:13 ပူးပေါင်းရင်းမြစ်များ

2 Atesalonika 1:6

Mulluku tti oolungama ndithu, aneerewaallaka ayo enuuhoosani.

Habakuku 3:13

Mwaaya wi mwaavulluse athwaanyu, wi mwamoopolle mwenaanyu oozoziwa.* Mwaamoononga oohoollella a athu oonanara ni waatthollosa athwaaye attheene.

Masalimo 64:7

Koma Mulluku aneerewaavokha mipaamba, aneerewaahoma moorurumusa.

Masalimo 45:5

Mipaamba ddanyu ddawiisha ddinnahoma mirima dda adanaanyu, mitundu ddimodda dda athu ddinnagonja vamiitthoni vanyu.

Masalimo 18:14

Aavokha mipaamba ddaye, waapallallesa adanaaye, ahaamolleella ni ettari awiikariha.

Yawuupullulla 16:6

Yaawiipha athu a Mulluku ni anamallotella nave sika mohaavaha nikhame wi ewirye. Enaakhella nnddo ddinaaphwanella!”

Yawuupullulla 6:10

Yaakhuwa moowelliha mawu wi, “Apwiya, muri aweella ni awoona! Munatiyerella ophiyera niini ohiwiipa mullatu ni waallaka athu a va ellapo yavatthi yaniiphallaayo?”

Habakuku 3:11

Nndduwa ni mweeri muddullu ddahiimella ooheeta ddoonille osherima wa mipaamba ddanyu ddoothamaka ni onyezimella wa mavakaanyu oowala.

Masalimo 144:6

Sheremihani ettari wi mwaamware adanaaka, vokhani mavakaanyu wi muwiikarihe.

Masalimo 64:3

Alliwa ennaandusa nllumi niwa wonanko nsupada, ennavokha mawu oohoma wonanko mipaamba.

Masalimo 11:2

Ngoonani, oonanara aakunga miira ddiwa, aawettha mipaamba ddiwa mwiipiphini wi yaahome athu ooreera murima.

Yobu 6:4

Vawi mipaamba dda Mulluku Amasiva Mattheene ddookihoma, okumaaka wooddalla ni nttipwi niwa. Ddawoopiha dda Mulluku ddookuupa.

Deuteronomo 32:42

Kineerolezeliha mipaamba ni nikhame na adani, nsupada naka nineerohoma muhehiiwa. Oohomiwa ni akaporo nikhame niwa nineereweetellella, miru ddiwa dda meehi oorekama ddineerophaddiwa.”

Deuteronomo 32:23

Kineerowuukellella otulli woohiyanahiyana, kinaamallelle va alliwa mipaamba ddaka ddittheddene.

Deuteronomo 32:41

wi kineerewaandusa nsupada naka noosherima, nave kineerewoonesesa wi echilungamo yoheereya. Adanaaka kineerewaahokollosella ddoonanara, awiitana ni miyaano kineerewaallaka.

Maliro 2:4

Aakunga muuriiwa wonanko mudanaahu, aakunga ekhonyiiwa wonanko mudani. Aawiipha attheene ayo naawehaahu mookotella variyari va anamwani aatthiyana, Ziyoni. Owalliiwa wakhara wonanko munllo.