Masalimo 69:36 - Mawu a Mulluku

³⁶ Edduullu dda oorumeyellaaye ddineeroyaakhellattho, oomukonda eneerokhalla mwemmo.

Masalimo 69:36 ပူးပေါင်းရင်းမြစ်များ

Masalimo 102:28

Anamwani a hiyaano oorumeyellaanyu eneerokhalla mwamurendelle, edduullu ddahu ddineerokeraattheya vamiitthoni vanyu.”

Mitteko 2:39

Vawi olonjeza wenko tti wa nyuwaano ni wa aniinyu ni athu attheene ayo eri woorekama, attheene ayo Mulluku Apwiihu anaawiithaneeye.”

Masalimo 37:29

Oolungama eneerewaakhella ellapo yavatthi wi ekhalle yayiwa, eneerokhalla mwemmo wa enthawi yoohimalla.

Yawuupullulla 21:27

Nave khamuwa muvollowa ello yooheellihiwa m'muzindanimmo naari muthu aweera ddoonanara apaalle oollota ddawoottha. Yaayove manddiniiwa elembiwe mu nibukhu na akumi na mwaanaankhosa sika enaavollowe m'muzindanimmo.

Yohane 14:23

Yesu aamwaakhulla wi, “Muthu akikonda miyaano aneerothwara mawaaka. Attiitthaaka eneeromukonda nave miyaano ni Attiitthaakaayo nineeroowa wa olliyooyo ni okhalla ni olliye.

Yakobo 1:12

Oodalisiwa tti yaayo enavillella vaweesiwani kaambiiwa yapambana weesiwanko, eneerewaakhella emphaso yookumi eyo Mulluku alonjezilleeye wa athu oomukonda.

Aroma 8:28

Ninnadduwella wi mu ddeko ddittheddene Mulluku annaphara mutteko va athu ayo enamukonda wi ddaakhallelle phaama. Athu yaayo tti ayo aawiithanneeye moollikana ni yoolingaaye.

Yesaya 61:9

Aniiwa eneerodduwanyeya variyari va mitundu ddimodda, edduullu ddiwattho ddineerovuwa variyari va athu attheene. Arive muthu oowoona aneerowella wi tti athu oodalisiwa ni Apwiya.”

Masalimo 91:14

Kineeromuvullusa anakiwandeellella miyaano mweechikondi, kineeromuteteza kaambiiwa annadduwella nnddina naka.

Yakobo 2:5

Ngiiwani, asinnaka ni arokoraka ookondiwa! Mulluku ahaatthoolla athu oohoowa a mu ellapo yavattheelle wi ekhalle eeyuuma mu echikhulupililo navettho wi yaakhelle omwene oyo aalonjezilleeye wa ayo enamukonda.

Yesaya 44:26

Miyaano sika kinasimikiza mawu a oorumeyellaaka, kinakwakhwanihera nnddo amithengaaka yallotenlliiwa. Miyaano sika kinallota dda Yerusalemu wi athu eneerokhallattho wenko, dda mizinda dda o Yuda wi ddineeromakiwattho, kineerovenyihattho mapurwiiwa yakumulliwe.