Masalimo 68:9 - Mawu a Mulluku

⁹ Nyu Mulluku, mwaamurupiha murimu, mwaallipiha ellapwaanyu mvo yafookilliiwa.

Masalimo 68:9 ပူးပေါင်းရင်းမြစ်များ

Deuteronomo 11:14

Nave alliwa sika enaamurupiheke murimu mwiillaponi mwanyu enthawi yaphaama monga murimu awaamba ni murimu oomallihella wi mukhalleke ni tirigwaanyu, vinywaanyu navettho makhuraanyu.

Ezekiele 34:26

Kineerewaakeraatthiha athwaaka vakhuviru ni mwaangwaaka nave kineerewaadalisa vawaamorihellani murimu va enthawi yaphaama.

Eksodo 19:18

Mwaango muttheene wa Sinai waahuruwelliwa ni mwiisi, ekaamba yawi Apwiya yaakitthella vamwaangonimvo mwa munllo. Mwiisooyo waanawella muddullu wonanko mwiisi wa ufuni nave mwaango muttheenoolle waheengereya wunchichi.

Oweeruza 5:4

“Nyu Apwiya, mwakhumenyu mu Seiri, mweeteenyu ovenyera o Edomu, ellapo yavatthi ettheene yaatthukumella, oddullu waattotthowa, mirapo ddaandonya maaddi.

Oweeruza 5:5

Miyaango ddaatikheya, mwaango wa Sinai waheengereya, vamiitthoni va Apwiya Mulluku a Israele.

1 Mamwene 19:11

Vaavo Apwiya yahaakhulla wi, “Khuma wiimelle vamiitthoni vaka, vamwaangoni.” Ngoonani, Apwiya yaaviravo nave ephevo yamasiva yahoopa etthalla miyaango ni opwesa malluku koma Apwiya kheyaarimo mwiiphevonimmo. Eviralle ephevo, vaamora echivomezi koma Apwiya kheyaarimottho mu echivomezimmo.