Masalimo 68:4 - Mawu a Mulluku

⁴ Mwiipelleni Mulluku, machipo ootitimiha nnddina naye. Mwiipelleni nchipo noomutitimiha oyo anawella vamiraponi. Nnddina naye tti Apwiya, muhakallalle vamiitthoni viwa.

Masalimo 68:4 ပူးပေါင်းရင်းမြစ်များ

Deuteronomo 33:26

We Yeshuruni, khaavo oollikana ni Mulluku, oyo aneeta ni ntitimiho muddullu, oyo anawella vamiraponi wi uukavihere.

Masalimo 66:4

Athu attheene a va ellapo yavatthi ennuullapellani, enniipa machipo awuutitimihani, enniipa machipo ootetheella nnddina nanyu.

Masalimo 104:3

moomaka enyumbaanyu vamaaddini amuddullu. Mirapo ddoothamaka ddiri wonanko nigareta nanyu, munneeta vamuuphelloni a ephevo.

Masalimo 68:33

Apwiya ayo enawella m'miraponi, muddullu mwakhallekhalle iwani mawiiwa amasiva manchichi.

Masalimo 66:2

mwiipelleni machipo ootitimiha nnddina naye, mumutitimihe moolemu.

Masalimo 67:4

Mitundu ddittheddene dda athu ddikhuwe moohakallalla, kaambiiwa munnaweeruza mwa echilungamo ni waahoollella va ellapo yavatthi.

Masalimo 18:10

Aawella va akerubi* avava, aheeta ni ephevo mwawaakuva.

Yesaya 40:3

Onniiweya okhuwa wawi, “Potokosani musewu wa Apwiya muhakani, okollani ettilla ya Mullukwaahu muchipululuni.

Masalimo 83:18

Edduwelle wi nyeeneve, nnddina nanyu tti Apwiya Amasiva Mattheene oolamulella ellapo yavatthi ettheene.

Eksodo 6:8

Nave kineerewuuphiyihani o ellapo eyo kallupenlleemi wi kineeromuvaha Abrahamu, Isaki ni Yakobo. Kineerewuuvahani ellapo yeeyo wi ekhalle yaanyuyaanyu. Mi tti Apwiya.’ ”

Eksodo 6:3

Kahooneyella wa Abrahamu, wa Isaki ni wa Yakobo wonanko Mulluku Amasiva Mattheene koma ngaawaalleelle nnddina naka wi tti Apwiya.

Eksodo 3:14

Mulluku aamulleella wi, “Nnddina naka tti MI TTI MIYAANO. Sika waalleelle Aisraelaayo wi MI TTI MIYAANO ookirumiha wa nyuwaano.”

Yesaya 62:10

Khumellani, khumellani vamullakonimvo, apotokoselleni ettilla athu! Llimani, llimani musewu, venyihanimoni malluku, imesani embendela wi mitundu dda athu ddooneke.

Yesaya 19:1

Nngu sika ollotella wa dda Iguputo. Apwiya aawella va murapo woothamaka oya o Iguputo. Mafano a o Iguputo eneerotthukumella vamiitthoni viwa nave mirima ddiwa ddineerotthomowa ekaamba ya woova.

Masalimo 5:12

Nyu Apwiya munnaadalisa athu oolungama, oreera murima wanyu onakhalla wonanko yawaateteza.

Masalimo 16:11

Munnakitthoonyihella ettilla ya okumi, ophwanyeya wanyu onnakihakallalliha wunchichi miyaano. Onnattanatta wanyu, kinnahakallalla wa enthawi yoohimalla.”

Masalimo 97:11

Owala onnaaphiyella athu oolungama, ooreera murima ennahakallalla.

Miyambo 10:28

Otiyerella wa muthu oolungama onnahakallalliha koma wa muthu oochimwa oneeromoononga.