Masalimo 68:17 - Mawu a Mulluku

¹⁷ Apwiya yaaphiya onipuroni niwa naweella ovenyera o Sinai, yaakhalla ni magareta manchichi amasiva.

Masalimo 68:17 ပူးပေါင်းရင်းမြစ်များ

Deuteronomo 33:2

Apwiya yaawa ovenyera o Sinai, yaakhumellella wa athwiiwa ovenyera o Seiri, yahooneya ovenyera o mwaango wa Parani. Angelo ooheerengeya yaathaananana, mallumi amunllo yaari m'mattani mwa Apwiya.

Daniele 7:10

Muhinje wamunllo waakhuma oneeta vamiitthoni vaye. Mulloko wa athu anchichi waanamurumeyella nave mulloko mmodda wa athu ooheerengeya wahiimella vamiitthoni vaye. Sika nthato nahaamba weeruza mullatu nave mabukhu yaakhunuulliwa.

Yawuupullulla 5:11

Kahoonattho nave kahiiwa mawu a angelo anchichi yiimenlle moowaapheella mpando woomwene, ddoophatusiwa ddookumi ddisese ni attekweenaalle. Nave vaakhalla angelo anchichi ooheerengeya.

Mateyu 26:53

Ethiyo onaganiza wi ngaawore waaveka Attiitthaaka wi enthawi yeeyo ekirumihelle milloko dduullupalli dda akhoto dda angelo ddookhwaranya khumi ni meelli?

Habakuku 3:8

Nyu Apwiya, ethiyo ddaari mihinje dduushihalleni murima apaalle enyanja yaweerihalleni onanariwa? Mwaawella va akavalwaanyu, va magaretaanyu oovullusa.

Yawuupullulla 9:16

Kaalleelliwa wi akhoto oowella vaakavaloni yaakhwaranya 200,000,000.

Masalimo 18:10

Aawella va akerubi* avava, aheeta ni ephevo mwawaakuva.

Eksodo 3:5

Mulluku aallota wi, “Ohiphiye vakhuviru. Rulla esapato ddawo vawi vanipuroni wiimenlleewemvo tti vaweella.”

2 Mamwene 2:11

Vano alliwa yeetaka ni ollota, moorurumusa nigareta namunllo ni akavalo amunllo ddahaahiyaniha eellaayo. Nave Eliya aawella oddullu mu namangalle.

Masalimo 9:12

Vawi oohokollosella nikhame, annawuupuwella oohoosiwa, khanatiwalla winlla wiwa.

Yesaya 2:2

Va mallapo a muhoollo mwaango wa enyumba ya Apwiya oneerotthattusiwa woorekamesesa okhwaranya miyaango ddittheddene. Mitundu ddittheddene dda athu ddineerothamakella omwaangoninko.

Ezekiele 43:7

Aakilleella wi, “We mwaana a muthu, nipuro nenna tti na mpandwaaka woomwene mvo kinanyingallihaamivo manyallwaaka. Wuno sika kinaakhalleemi ni athwaaka Aisraele wa enthawi yoohimalla. Alliwa naari mamweniiwa khewa eripihattho nnddina naka naweella vooraruwani apaalle voovitthani mitembo dda mamweniiwa o mapuro oollapellawo.

Ezekiele 43:9

Vano ehiye oraruwa wiwa, voollapellani milluku ddimodda nave evenyihevo mitembo ddamamwene ddiwa ddihikaatamelle. Nave kineerokhalla ni alliwa wa enthawi yoohimalla.