Masalimo 68:13 - Mawu a Mulluku

¹³ Ddawaakha okhotoni ddooneya wonanko muuphello a ekhunda oohuruwelliwa ni siliva, enthenga ddiwa tti ddoohuriwelliwa ni golide oowala.”

Masalimo 68:13 ပူးပေါင်းရင်းမြစ်များ

Masalimo 105:37

Vano yahaakhumiha Aisraele emukusalle siliva ni golide, variyari va mallokwiiwa khaavo oyo akukhumuwalle.

Genesis 49:14

“Isakara ari wonanko bulu amasiva, anakona moottaphuruwa variyari va katundu.

Tito 3:3

Vawi hiyaanottho khalle naari ookarangeya, oohiiwellella, oohollosiwa, akaporo a minkhella ni ddoohakallalliha ddoohiyanahiyana. Nakhallella weera ddoonanara ni ehache naari awiitana ni oonyambusana mmodda ni mukhwaaye.

Luka 15:22

Koma attiitthinnyaayo yaallota wa mullupa mutteko wi, ‘Akuvani mwakuse mukanjo waphaama m'muwarihe. M'muwarihettho emphete o eyaalla ni esapato omanyalloni waye.

Luka 15:16

Musombooyo aanapaalla ochana makattha yachiwa ni ekumbannddo koma khaarivo muthu amwinnyalle makatthaayo.

Masalimo 149:4

Vawi Apwiya ennahakallalla ni athwiiwa, ennaariiha athu awiiyeviha vawaavullusani.

Masalimo 81:6

“Kahuurullani katundu a m'mathurini mwanyu, mattaanyu kahaavenyihella mutteko wootukhulla madengu.

Masalimo 74:19

Muhinavelleella okumi wa ekhundaanyu, Israele wa enama ddawoopiha. Muhinatiwalla okumi wa athwaanyu oohoowa wa enthawi yoohimalla.

Oweeruza 5:16

Kaambiiwa tini mwaselliweenyu omakhollani a enkhosa, voowiiwellellani wiipa wa ezitoliro ddoowiithanella enkhosa? Athu a nlloko na Rubeni yaari oohiyana maganizo, oohidduwella yawi yeere.

Eksodo 1:14

Okumi wa Aisraele waari wookatamiha ekaamba ya mutteko woovoreya wawoopa enjerwa navettho mitteko ddoohiyanahiyana dda m'matani. Yaanaawatihera mwa ekuku ophara mitteko ddittheddene ddootopiha.

1 Akorinto 12:2

Munnuupuwella wi mwaariinyu athu oohimullapella Mulluku, mwaahollosiwa mu ettilla ddoohiyanahiyana ollapella mafano ddoohikhalla ni okumi.

Numeri 31:27

Nave mukawe ddawaakha okhotoninnddo ezigawo piilli, emodda ya athu yakelle okhotonaayo nave emodda ya Aisraele attheene oohalla.

Yoswa 10:16

Mamwene matthanwaalle yaathawa yiipittha o nikhungu na o Makeda.

Oweeruza 5:19

“Mamwene yaawa enawana ekhoto, mamwene a o Kanani yaawana ekhoto o Taanaki, vakhuviru ni muhinje wa Megido koma kheyaamwakhille siliva apaalle erive ello.

2 Mamwene 7:16

Vano athu a o Samariya yaakhuma yaakha misasa dda Asiriya. Sika makilogaramu mararu a othu waphaama yaanakullihiwa nikobiri nimodda nasiliva nave makilogaramu matthanu ni nimodda a bale yakullihiwattho emoddamoddave moollikana ni mmo yallotelle Apwiya.

Yesaya 33:23

Mikwe dda ekallawa dda adanaahu ddoottaphuwa wawi khaddiwora ollipiha mulongotiiwa nave embenderiiwa khettaphuruwa. Sika ddawaakha ddahu ddineerewaata wunchichi wawi vookawanani naari oorakalla eneerototavo ello.