Masalimo 66:4 - Mawu a Mulluku

⁴ Athu attheene a va ellapo yavatthi ennuullapellani, enniipa machipo awuutitimihani, enniipa machipo ootetheella nnddina nanyu.

Masalimo 66:4 ပူးပေါင်းရင်းမြစ်များ

Masalimo 22:27

Mitundu ddittheddene ddineerowuupuwella Apwiya ni waarukunuwella. Malloko mattheene eneerewaallapella.

Masalimo 117:1

Atitimiheni Apwiya, nyu mitundu ddittheddene dda athu. Nyu athu a mu ellapo ddittheddene, ariiheni wunchichi,

Yawuupullulla 15:4

Athu attheene eneerowoovani nyu Apwiya, khaavo anaakhoote otitimiha nnddina nanyu, vawi nyuwaano tti aweella. Athu a mitundu ddittheddene eneeroowa ni wuullapellani nyuwaano, kaambiiwa mitteko ddanyu ddoolungama ddohooniwa wa athu attheene.”

Malaki 1:11

Ovenyera wookhuma nndduwa ophiyera woovollowa nndduwa nnddina naka ninaakhalle nuullupalli variyari va mitundu ddittheddene. Va nirive nipuro ennakoosella lubani* nave ennavelleella mikutho ddoopatuleya vawi nnddina naka tti nuullupalli variyari va mitundu dda athu ddittheddene. Mi Apwiya Amasiva Mattheene koollota.

Daniele 7:14

Vano aavahiwa olamulello, olemu ni omwene wi athu a ellapo ddittheddene, mitundu ddittheddene ni ellotello ddoohiyanahiyana yaanamurumeyella. Olamulellwaaye tti wa enthawi yoohimalla, khowa omalla nave omwenaaye khowa woonongeya.

Yesaya 11:9

Khavikhalla erive ello yoovoreya apaalle yawoononga va mwaango woopatuleya wa Apwiya. Vawi ellapo yavatthi ettheene eneeroddalla ni waadduwella Apwiya wonanko enyanja enaddallelliiwa ni maaddi.

Masalimo 65:5

Nyu Mulluku, oonivullusaahu, munnanaakhulla voonivullusani ni mitteko ddanyu ddoottikhiniha. Athu a va ellapo yavatthi ettheene vakhopella va enyanja ya woorekamella attheenaayo ennuuroromellani.