Masalimo 66:15 - Mawu a Mulluku

¹⁵ Kineerovelleella mikutho ddooshellelliha dda enama ddooneneva, mwiisi wa mukutho wa anankhoro a enkhosa oneerophiya wa nyuwaano, kineerovelleella mikutho dda anankhoro a eng'ombe ni a epuri.

Masalimo 66:15 ပူးပေါင်းရင်းမြစ်များ

Masalimo 51:19

Vano muneerohakallalla ni mikutho ddoophwanella, mikutho ddawoosa ni ddooshellelliha. Sika eneerovelleella anankhoro a eng'ombe vanikuwani.

Yeremiya 41:5

waaphiya athu khumi ni atthanu oovenyera o Shekemu, o Shilo ni o Samariya. Ereru ddiwa yaachema, ddoowara ddiwa ddaari ddawaahuwa nave miilli ddiwa ddaari ddooremeyaremeya. Yakusalle mikutho dda ddoocha ni lubani* wi yavelleelle o enyumba ya Apwiya.

2 Samuele 6:13

Athu yatukhullalle nibokosi na echipanganonno yeeta vang'ono Davide aanawiimesa avelleella mukutho wa nankhoro a eng'ombe ni wa musaanaang'ombe ooneneva.

Numeri 6:14

nave olliye avelleelle mikutho wa Apwiya. Amuvelleelle nankhoro a mwaanaankhosa a muyakha mmodda oohirakalla wi akhalle mukutho wooshellelliha, enkhosa yaamutthiyana yoohirakalla wi ekhalle mukutho woopepesella machimo nave nankhoro a enkhosa yoohirakalla wi ekhalle mukutho wa eyaattano.

Numeri 7:45

Aavelleellattho mwaana a eng'ombe mmodda, nankhoro enkhosa emodda navettho nankhoro a mwaanaankhosa mmodda a muyakha mmodda wi ddittheddennddo ddikhalle mukutho wooshellelliha.

Ezara 8:35

Enthawi yeeyo ayo yahokollowille wuukaporoni yaavelleella mikutho ddooshellelliha wa Mulluku a Israele. Yahaavelleellella Aisraele attheene anankhoro a eng'ombe khumi ni eelli navettho anankhoro a enkhosa 96, asaana a enkhosa 77 ni anankhoro a epuri khumi ni eelli wonanko mukutho woopepesella machimo. Ddittheddenenndda waari mikutho ddooshellelliha ddoovelleelliwa wa Apwiya.