Masalimo 65:9 - Mawu a Mulluku

⁹ Vano munnayidalisa ellapo yavatthi ni oyihellella, munnayivaha eyuuma yinchichi. Muhinje wa Mulluku tti wooddalla ni maaddi, nyuwaano munnayivaha ddoohata, vawi tti mmo munapotokoselleenyu ddeko.

Masalimo 65:9 ပူးပေါင်းရင်းမြစ်များ

Masalimo 46:4

Koma wookhalla muhinje oyo mitthipidda ddaye ddinahakallalliha muzinda wa Mulluku, nipuro nookhallawo Amasiva Mattheene.

Yawuupullulla 22:1

Mungelooyo aakoonihattho muhinje wa maaddi ookumi. Nave maaddaayo yaari oonyezimella wonanko nigalasi noowala, yavenyera o mpando woomwene wa Mulluku ni Mwaanaankhosoolle.

Yeremiya 5:24

Khamunaganizereke ddookoova miyaano Mullukwaanyu oyo anuuvahani murimu a ntthokollapallaka ni murimu awaallella va enthawi yaphaama ni enthawi yoohata orive muyakha.

Rute 1:6

Vano Naomi ni avokohaaye eellaalle yahaamba okhozekella olendo woohokollweella owaniwa ovenyera mu ellapo ya Mowabu. Vawi ahiiwa wi mu ellapo yoowaniwa Apwiya yahaadalisa athwiiwa ni waavaha ddoocha.

Genesis 26:12

Isaki ahaalla mwiillaponimmo nave muyakha yooyo aahata ddeko ddawaata wunchichi kaambiiwa Apwiya yaamudalisa.

Mitteko 14:17

Koma mallapo mattheene aaddeerella omboni wawi ookhallawo oweella mu ddeko ddaphaama eerilleeye. Annuuvahani murimu ovenyera oddullu ni ezipaso va enthawiiwa. Annuuvahani ddoocha navettho anaddalliha mirima ddanyu ni ehakallallo.”

Yeremiya 14:22

Variyari va milluku ddawoottha dda mitundu ddimodda, ethiyo ookhallavo mulluku mmodda oowora omurupiha murimu? Ethiyo oddullu vaweekhiiwa onnamurupiha murimu? Otiyerella wahu ori mwa nyuwaano Apwiya Mullukwaahu ekaambiiwa tti nyuwaano muneera ddenndda.

Masalimo 147:14

Ennawaana murendelle m'malireni a ellapwaawo, ennuuvoniha ni tirigu aphaama.

Masalimo 107:37

Yaamidda mmiddo m'matani, yaalla mipesa, yaahata ddeko ddinchichi.

Masalimo 65:11

Vamuyakhani munnavelleella ddoohata ddinchichi moollikana ni oreera murima wanyu, Orive weko munayeenyuwo, onnaphwanyeya ddeko ddinchichi.

Levitiko 26:4

kineerewuuvahani murimu mu enthawiiwa wi muneerohata ddawaata nave miteekho ddineerewimma ezipaso.

Masalimo 63:1

Nyu Mulluku, nyuwaano tti Mullukwaaka, kinnawaashaashani, murimaaka wookhalla ni nthona noopaalla owoonani, mwiillaaka onnuupaallani wonanko ellapo yawumma, yooguga ni yoohikhalla ni maaddi.

Yesaya 41:5

Athu a ellapo dda mukhwipi mwa enyanja yohoona nnddo keerilleemi nave ahoopopiheya. Athu a omamallihello wa ellapo yavatthi ennatthukumella, ennasusella vakhuviru, ennawa.

Daniele 4:2

Ddookiddivella wi kuulleelleni dda ezizindikiro ni ddoottikhiniha nnddo Mulluku Ooddullu akoonihalleeye.”

Malaki 1:11

Ovenyera wookhuma nndduwa ophiyera woovollowa nndduwa nnddina naka ninaakhalle nuullupalli variyari va mitundu ddittheddene. Va nirive nipuro ennakoosella lubani* nave ennavelleella mikutho ddoopatuleya vawi nnddina naka tti nuullupalli variyari va mitundu dda athu ddittheddene. Mi Apwiya Amasiva Mattheene koollota.