Masalimo 65:5 - Mawu a Mulluku

⁵ Nyu Mulluku, oonivullusaahu, munnanaakhulla voonivullusani ni mitteko ddanyu ddoottikhiniha. Athu a va ellapo yavatthi ettheene vakhopella va enyanja ya woorekamella attheenaayo ennuuroromellani.

Masalimo 65:5 ပူးပေါင်းရင်းမြစ်များ

Deuteronomo 10:21

Vawi alliwa sika ntitimiho nanyu, Mullukwaanyu oyo aweerelleni dduullupalli ni ddawoopiha ddittheddenenndda moonilleenyu ni miitthwaanyu.

Masalimo 66:3

Mulleelleni Mulluku wi, mitteko ddanyu tti ddoottikhiniha. Masivaanyu tti muullupalli, adanaanyu ennawaramella vatthi moowoovani.

Yesaya 45:22

Nyu athu a va ellapo yavatthi, rukunuwellani wa miyaano wi muvulluwe. Valle miyaano sika Mulluku, khaavottho mmodda.

Masalimo 45:4

Oneyani mu oriiheya wanyu, muteteze yawoona, wiiyeviha ni echilungamo, nnatta nanyu noonihe mitteko ddanyu ddawoopiha.

Masalimo 22:27

Mitundu ddittheddene ddineerowuupuwella Apwiya ni waarukunuwella. Malloko mattheene eneerewaallapella.

Aroma 2:5

Koma ekaamba ya wumma murima wanyu ni ohipaalla orukunuwa murima, Mulluku aneerewuullakani wunchichi va nllapo nno aneereeye uupullulle osha murima waye ni echiweruzwaaye yeechilungamo.

Yesaya 66:19

Kineerohiya echizindikiro vamiitthoni viwa. “Koma vineerokhalla amodda oovulluwa ayo kinaawaarumeemi wa athu a mitundu ddimodda wonanko a o Tarishishi, a o Puti, a o Ludi vamodda ni eeruswiiwa dda miira, a o Tubala, o Yavani ni o ellapo ddawoorekama ayo ehiniiweke dda epillaaka apaalle woona ntitimiho naka. Alliwa eneerollalleya dda ntitimiho naka variyari va athu a mitundu ddimodda.

Yesaya 51:5

Kineeroowa mwawaakuva wi kiwoopolle athwaaka, enthawaaka yawaavullusa eri vakhuviru vawi meekhaaka kineerolamulella mitundu ddittheddene dda athu. Ellapo ddawoorekama ddinimakitiyera wi kiwe, enakitiyerella moororomella wi kaavulluse.

Yawuupullulla 16:5

Nave kaamwiiwa mungelo oolamulella maaddi allotaka wi, “Echiweruzo mweenreenyu tti yawoona, Aweella nyu, nyuwaano murivo ollello nave mwaarivo khalle!

Zekariya 9:10

Apwiya enallota wi, “Kinerewaavenyihawo magareta akhoto o Efuremu, kineerewaakusawo akavalo o Yerusalemu, miira ddakhoto ddineerokotholliwa. Mwenaawo eneerokeraatthiha murendelle variyari va mitundu dda athu. Aneerekolamulella ovenyera o enyanja emodda ophiya o enyanja emodda, ovenyerattho o muhinje wa Yufurate ophiya o makomello a ellapo yavatthi.”

Zefaniya 2:11

Vano Apwiya eneerowoopopiha, eneerewoononga milluku ddittheddene dda va ellapo yavatthi. Sika athu attheene eneerewaallapella Apwiya, arive muthu vanipuroni vaye, orive mutundu wa athu o ellapwiiwa.

Yesaya 60:5

Oneerewoona ddenndda ni oneerohakallalla, murimaawo oneerothapella. Eyuuma yoonyanja eneerewuuweella, katundu a o ellapo ddittheddene aneerewuuphiyera.

Yesaya 37:36

Mungelo a Apwiya aaya o misasa ddakhoto dda Aasiriya awiiphawo akhoto 185,000. Ohinase athu yaawoona akhoto attheenaayo ekhwille, eri millumillu!

Masalimo 145:17

Apwiya tti oolungama mu ettilla ddiwa ddittheddene, tti eechifundo mu ddaweera ddiwa ddittheddene.

Masalimo 85:4

Nyu Mulluku oonivullusaahu, munihokolloselle mwakhalle, munivenyihelle osha murima wanyu.

Deuteronomo 4:34

Ethiyo tti mulluku oovi oyo iikusenlle yeekha athu waatthaamiha variyari va mutundu mmodda ni waatthattusa aayeaaye wonanko mmo Apwiya Mullukwaanyu eweerelliiwani o Iguputo wulle? Alliwa yaheera ddennddo ni masiviiwa muullupalli nyuwaano moonaka ni miitthwaanyu. Alliwa yaamoriha ddoohoosa, millilli, ddoottikhiniha, ekhoto ni ddawoopiha.

Masalimo 107:23

Amodda yaheeta va enyanja musitimani, enakulliha malonda va enyanja dduullupalli.

Masalimo 36:9

Mwa nyuwaano mookhalla neetuutu a okumi, mu owala wanyu naheenettho ninnoona owala.

Masalimo 84:5

Oodala tti athu ayo masiviiwa enavenyera wa nyuwaano, ayo m'murimani mwiwa enapaallesesa oweella m'misewuni ddooya o Ziyoni.

Hagai 2:23

Mi Apwiya Amasiva Mattheene koollota wi, ‘Va nllapo nenno we Zerubabele oorumeyellaaka, mwaana a Shealatiele, kineerewuukusa navettho kineerewuutthattusa oolamulella nnddina naka vawi tti weyaano kimutthoonlleemi. Mi Apwiya Amasiva Mattheene koollota.’ ”