Masalimo 65:3 - Mawu a Mulluku

³ ekaamba ya machimwiiwa. Ddoochimwa ddahu ddanikhwaranya, nyuwaano munnaddikhululukella.

Masalimo 65:3 ပူးပေါင်းရင်းမြစ်များ

Masalimo 38:4

Machimwaaka ahunnuwa okikhwaranya miyaano, ennakillemella wonanko katundu ookhwaranya masivaaka.

Aheberi 9:14

Koma Khrisitu khaarina machimo nave ahiiheraatthi yeekhaaye wonanko mukutho mwa Munepa woohimalla. Ella sika ekaambiiwa nikhame naye niriiwa ni masiva manchichi oorukunusa murimaahu woochimwa okhalla waphaama wi niheereke ddeko nnddo ddinaanihoollelle wookhwa koma wi niwore omurumeyella Mulluku Ookumi.

Masalimo 79:9

Nyu Mulluku oonivullusaahu, nikavihereni wi nnddina nanyu nititimiheye. Nivulluseni nave nikhululukelleni machimwaahu wi nnddina nanyu niriiheye.

Agalatiya 5:17

Vawi ddoopaalla dda omuthwaahu tti ddoovaanyana ni ddoopaalla dda Munepa nave ddoopaalla dda Munepa tti ddoovaanyana ni ddoopaalla dda omuthwaahu. Ddeko piilli ddenndda tti ddawiitana, sika khamuwora weera eyo munapaalleenyu weera.

Yesaya 6:7

Nave aakittannya vayanoni ni ninkhallanno allota wi, “Ngoona, koottannya eyanwaawo ni ninkhallanna. Oripihiwa wawo woheellihiwa nave machimwaawo yookhululukiwa.”

Masalimo 40:12

Kohaapheelliwa ni ddookatamiha ddooheerengeya, machimwaaka aakihuruwella sika ngiwora woona, tti manchichi okhwaranya meehi a m'muruni mwaka kootathilla murima wunchichi.

Yawuupullulla 1:5

ddoovenyerattho wa Yesu Khrisitu, mboni oororomelleya oyo aari awaamba ovenyihiwa wa ookhwa nave oyottho ari oolamulella a mamwene a va ellapo yavatthi. Olliyooyo annanikonda hiyaano nave ni mukutho wa okhwa waye aanittaphulla hiyaano ovenyera o machimwaahu.

Zekariya 13:1

Apwiya Amasiva Mattheene enallota wi, “Nllapo nenno nibanja na Davide vamodda ni athu a mu Yerusalemu eneerotuullelliwa neetuutu wi yeellihiwe o machimwiiwa ni ddoonanara ddiwa.

Yohane 1:29

Osaka wene Yohane aamoona Yesu awaaka wa olliyooyo nave allota wi, “Ngamooneni! Mwaanaankhosa a Mulluku oyo anavenyiha machimo a ellapo yavatthi.

Masalimo 51:7

Keelliheni ni hisope* o machimwaaka nave kineereweella, kihapiheni nave kineereweellesesa okhwaranya nthoche.

1 Mamwene 9:3

Vano Apwiya yaamulleella wi, “Kohiiwa nivekello nawo ni okhuwa wawo weerilleewe vamiitthoni vaka. Kooyipatula enyumba oyimakilleeweella nave koohiyamo nnddina naka wi athu ekillapellekemo wa enthawi yoohimalla. Miitthwaaka ni murimaaka ddinaakhalle mwemmo enthawi ddittheddene.

2 Mamwene 19:20

Vano Yesaya mwaana a Amozi aarumiha othenga wa Hezekiya omulleella wi Apwiya Mulluku a Israele, ohiiwa nivekello naye noollota dda Senakeribu mwene a o Asiriya.

2 Mamwene 20:5

“Hokollowa, wamulleelle Hezekiya, mwene a athwaaka wi, ‘Mi Apwiya Mulluku a nikhollo nawo Davide kohiiwa ovekella wawo nave kooddoona miitthori ddawo. Vano kineerewuuchiriha. Oneerowora ollapella o enyumba ya Apwiya omuroto vano.

Yesaya 66:23

Athu a mitundu ddittheddene eneeroowa okillapella o Yerusalemu va erive Ehakallallo ya Wooneya wa Mweeri ni nirive nllapo na Sabata,” Apwiya aallota.

Yeremiya 16:19

Nyu Apwiya tti masivaaka ni mpandaaka, voothawellavo vaka va enthawi ya ddoohoosa. Athu a mitundu ddittheddene eneeroowa wa nyu ovenyera o makomello mattheene a ellapo yavatthi. Nave eneerollota wi, “Makhollwaahu yaakhalla ni milluku ddawoottha, yaakhalla ni mafano oohikhalla ni mutteko.