Masalimo 63:5 - Mawu a Mulluku

⁵ Muneerokivoniha ni ddoonuna, kineerewuutitimihani ni mawu oohakallalla.

Masalimo 63:5 ပူးပေါင်းရင်းမြစ်များ

Yesaya 25:6

Va mwaango wa Ziyoni Apwiya Amasiva Mattheene eneerokeraatthihella mitundu ddittheddene dda athu machellello a ddoocha ddooddiva ni a vinyo aphaama, machellello a enama yoonuna ni a vinyo ooddivesesa.

Masalimo 43:4

Vano kineerooya o nikuwa na Mulluku, wa Mulluku oyo anakivaha ohakallalla wavaddullu, kineerewuutitimihani ni gitala, nyu Mullukwaaka, nyu Mullukwaaka.

Masalimo 17:15

Koma miyaano ni echilungamwaaka, kineerewoona ekhovaanyu. Kineerohakallalla ni mooneeyellwaanyu kavenya.

Masalimo 135:3

Atitimiheni Apwiya vawi tti aphaama, ipani machipo ootitimiha nnddina niwa, vawi tti noohakallalliha wunchichi.

Masalimo 71:23

Vayanoni vaka vineerokhuwa ni ehakallallo voowiipellani machipo awuutitimihani. Murimaaka muwooponlleenyu, oneerewiipa mowuuriihani.

Masalimo 65:4

Oodalisiwa tti muthu oyo mwamutthoonlleenyu oyo munamweeriheenyu wi akhalleke m'mathatonaanyu. Munivonihe ni ddeko ddaphaama dda mu enyumbaanyu, enyumbaanyu yaweella.

Yeremiya 31:4

Nyu Aisraele, kineerewuumakanittho wi mukeraattheye. Muneerohakallalla vawiipani asikoma nave muneerothaanana nimodda athu awiina moohakallalla.

Nchipo na Solomoni 1:4

Kikuse nave hanko naakuve. Mwene, kivollochihe muchipindani mwawo. Nihakallalle wunchichi nimodda. Niyiriihe echikondaawo omukhwaranya vinyo. Anamwalli attheene enuukondella ddawoona.

Masalimo 104:34

Mavekellwaaka yaaddivelle Apwiya vawi kinnahakallalla mwa alliwa.

Masalimo 96:6

Ntitimiho ni omwene ddiri vamiitthoni viwa, masiva ni oreera ddiri mpa mwiwa.

Masalimo 104:33

Kineerowiipella Apwiya okumaaka muttheene, kineerewiipa machipo owaatitimiha Apwiya, enthawi ettheene kakhalla mukumi.

Masalimo 134:2

Tukhullellani mattaanyu o nipuro niwa noopatuleya, atitimiheni Apwiya.