Masalimo 63:1 - Mawu a Mulluku

¹ Nyu Mulluku, nyuwaano tti Mullukwaaka, kinnawaashaashani, murimaaka wookhalla ni nthona noopaalla owoonani, mwiillaaka onnuupaallani wonanko ellapo yawumma, yooguga ni yoohikhalla ni maaddi.

Masalimo 63:1 ပူးပေါင်းရင်းမြစ်များ

Masalimo 143:6

Kinnattaphurusella mattaaka wa nyuwaano, murimaaka onnavolliwa nthona nawuupaallani, mmo muneerella ellapo yawumma.

Masalimo 84:2

Murimaaka onnapaalla, ophiyera ongomowa opaallesesa woona nipuro na Apwiya. Nyu Mulluku Ookumi, kinnawiipellani moohakallalla ni murimaaka muttheene.

Mateyu 6:33

Koma yawaamba mwaashaasheke omwene wa Mulluku ni echilungamwaaye nave aneerewuuvahani ddeko ddittheddenenndda.

Masalimo 91:2

aneerollota wa Apwiya wi, “Nyu tti woothawella waka ni mpandaaka, Mullukwaaka oyo kinamuroromelleemi.”

Eksodo 15:2

Apwiya sika masivaaka ni ekophollo ddaka, alliwa tti oovullusaaka. Alliwa tti Mullukwaaka nave kineerewaatitimiha, tti Mulluku a attiitthaaka nave kineerewaatthamalla wunchichi.

Masalimo 5:3

Apwiya, ohinase munniiwa mawaaka, nndduwa naakhumaka kinnavekella wa nyuwaano nave kinnatiyerella wi mukaakhulle.

Yesaya 41:18

Kineereweetiha mihinje variyari va asimiyaango awumma, aneetuutu eneerokhuma m'mataponi. Kineerotthattusa echipululu okhalla nthiya na maaddi, ellapo yawumma okhalla aneetuutu.

Yohane 7:37

Va nllapo noomallihella navettho nuullupalli na ehakallallo Yesu ahiimella allota mookhuwa wi, “Muthu avolliwa nthona anaphwanella awe wa miyaano wi awirye.

Masalimo 118:28

Nyuwaano tti Mullukwaaka, kineerewuuthokozani, nyuwaano tti Mullukwaaka, kineerewuutitimihani.

Miyambo 8:17

Kinnaakonda ayo enakikonda, ookaashaasha ennakiphwanya.

Masalimo 143:10

Kihuddiheni weera ddoopaalla ddanyu vawi nyuwaano tti Mullukwaaka. Munepaanyu waphaama okihoollelle va yoomwaramwarelliwa phaama.

Zekariya 13:9

Athu ayo enaahalle ni okumi kineerewaahiya viikho ni oweelliha wonanko enamweellihelliiwa siliva. Kineerewaayeza wonanko eneerelliiwa ni golide. Sika eneerewiithana mu nnddina nave kineerowaakhulla. Kineerewaalleella wi alliwa tti athwaaka nave eneerewaakhullella wi mi Apwiya tti Mullukwiiwa.”

Hoseya 5:15

Kineerohokollweella onipuroni waka ophiyera athwaaka ellakeyille nave yaambille okaashaasha. Mu ddookatamiha ddiwa, eneereweeseesa wi ekiphwanye.

Masalimo 78:34

Aawiiphaka amodda oohalla yaanamwaashaasha, yaanahokollowa enamwaashaasha Mulluku ni murimiiwa muttheene.

Masalimo 42:11

Kaambiiwa tini onamoriweewe ethakaraka, we murimaaka? Kaambiiwa tini onakatamihiweewe muwari mwaka? Mutiyere Mulluku vawi kineeromutitimihattho, oyo ari oovullusaaka ni Mullukwaaka.

Masalimo 31:14

Koma kinnuuroromellani nyu Apwiya, kinnallota wi, “Nyu tti Mullukwaaka.”

Yobu 8:5

Weyaano warukunuwella wa Mulluku, wavekella wa Amasiva Mattheene,

1 Samuele 22:5

Nllapo nimodda namallotella Gadi aamulleella Davide wi, “Muhinakhalla mumpandanimmu. Venyanimoni muye o ellapo ya Yuda.” Davide aavenyawo avollowa muutthakoni wa Hereti.

Yeremiya 31:33

Koma echipangano eyo kakeraatthihalleemi ni Aisraele attheene emanlle mallapo yaayo tti yawi kineerohiya malamulwaaka mwa alliwa nave kinaalembe m'murimani mwiwa. Vano miyaano kinaakhalle Mullukwiiwa nave alliwa enaakhalle athwaaka.

Yeremiya 31:1

Apwiya enallota wi, “Va enthawi yeeyo kineerokhalla Mulluku a mabanja mattheene a Israele nave alliwa eneerokhalla athwaaka.

Yesaya 35:7

Mihava ddooviha ddineerotthattuwa enyanja, ellapo yawumma eneerotthattuwa aneetuutu. Mvo vaari nipuro na akhatwe vineeromella manasi ni epango.

Eksodo 17:3

Koma athwaalle yaakhalla ni nthona wunchichi nave yaakhupanyella wa Mose ellota wi, “Kaambiiwa tini mwanikhumihelleenyu o Iguputo wi muniiphe ni nthona, hiyaano ni aniihu vamodda ni eziweto ddahu?”

Yohane 20:17

Yesu aamulleella wi, “Ohikiphare vawi nginawelle wa Attiitthaaka. Koma vano khawe wa oohudderaaka waalleelle wi kinahokollweella wa Attiitthaaka ni wa Attiitthaanyu, wa Mullukwaaka ni Mullukwaanyu.”

Masalimo 119:81

Okumaaka woofooka vootiyerani ovullusa wanyu, koma kinnaroromella mawaanyu

Mateyu 12:43

“Munepa woonanara wakhuma mwa muthu, onneeteeta m'mapuroni awumma waashaasha vawiithuuwella. Koma waahiphwanya,

Yesaya 32:2

Arive muthu mwa alliwa anaakhalle wonanko voothawellavo ephevo apaalle nipuro noomwiipitthellavo namondwe. Enaakhalle wonanko mihinje ddaweeta mu ellapo yawumma apaalle muuthuuchi wa nlluku nuullupalli mu echipululu.

Nchipo na Solomoni 5:8

Nyu anamwalli a o Yerusalemu, ddawoona, kinimuuvekani. Kinallupella mu nnddina na mphoyo ni epaalla ddamuhakani wi echikondi muhiyitikheke apaalle oyivenyiha ophiyera epaallille mwaneeniiwa. Anamwalli

2 Samuele 15:28

Vano miyaano kinaaye kakhalle o madoko a muhinje wa Yordani ochipululuni ophiyera kiiwalle mawu oovenyera wa nyuwaano ookilleella mmo ddeko ddikhallelliiwa.”

1 Epilli 16:14

Alliwa tti Apwiya Mullukwaahu, ennalamulella ellapo yavatthi ettheene.