Masalimo 62:8 - Mawu a Mulluku

⁸ Nyu athu, hiyani murimaanyu va olliye enthawi ettheene, mumulleelle ddittheddene dda m'murimani mwanyu. Mulluku sika woothawella wahu.

Masalimo 62:8 ပူးပေါင်းရင်းမြစ်များ

Afilipi 4:6

Muhikhupanyeke erive ello koma mumulleelleke Mulluku erive ello munapaalleenyu moovekella. Enthawi ddittheddene muvekeke ni murima woothokoza.

Maliro 2:19

Venyani nave moope ekutho variyaririyari va mahiiyu, llotani ddoonikohini ddanyu ddittheddene vamiitthoni va Apwiya. Tukhullellani matta muddullu ni ovekella wa Apwiyaayo, ekaamba ya okumi wa aniinyu ayo enangomowa ni ettalla m'misewuni ddittheddene.

Yesaya 26:4

Aroromelleni Apwiya wa enthawi yoohimalla ekaamba yawi Apwiya Mulluku tti nlluku noohimalla.

Masalimo 142:2

Kinnavelleella ddookhupanya ddaka wa alliwa, kinnaromolla ddookatamiha ddaka vamiitthoni viwa.

1 Samuele 1:15

Koma Hana aamwaakhulla wi, “Mi Apwiya ngimuwiryalle vinyo apaalle yoowirya yoowalli. Kinamoriwa ethakaraka yinchichi vawi kookhalla kinllellaka wa Apwiya ekaamba ya ethakaraka ddakanndda kivekellaka wa Apwiya waakuthullella ddookatamiha kiriimina.”

Masalimo 18:2

“Apwiya sika nlluku naka, mpandaaka ni oovullusaaka. Alliwa tti Mullukwaaka, nlluku naka kinathawelleemiwo. Sika echishangwaaka, masiva ookivullusa ni yookiipitthihaaka.

Masalimo 42:4

Murimaaka onnavoreya kaawuupuwellaka mmo keetelleemi ni athu anchichi, vawaahoollellani o enyumba ya Mulluku, athu anchichi ekhuwaka moohakallalla, yiipaka machipo oothokoza, yeeraka ehakallallo.

Aheberi 6:18

Mwawi ddiidda vookhalla ddeko piilli nndda, ollupella ni olonjeza. Khaddisinthiwa nave ddinnooniha wi Mulluku khoottha. Sika wa hiyaano nathawenlle wa olliye naaphwanya ollipihiwa murima wuullupalli wi niphare moollipa etiyerello eyo ninaakhelleehu muhoollo.

Yesaya 26:16

Nyu Apwiya, va enthawi ya ddoohoosa, athwaanyu yaawaashaashani. Enthawi eyo mwaallakeenyu, yaavekella wa nyuwaano.

Yobu 13:15

Naari akiiphe, kineromuroromellave, kinerotthopoolla mullatwaaka vamiitthoni vaye,

1 Yohane 2:28

Ddawoona, anaaka, mukhallekeve mu eyaattano ni olliyooyo wi ooneya nineerokhalla oollipa murima nave khaniipittha ekaamba yoowulliwa muru vamiitthoni vaye va Nllapo anaweeye.

Masalimo 102:1

Nyu Apwiya, iwani nivekello naka, winlla waka ophiye wa nyuwaano.

Masalimo 37:3

Aroromelleke Apwiya nave weereke ddaphaama, khalla mu ellapo nave othwareke ddawoona.

Miyambo 14:26

Muthu anawoova Apwiya ookhalla ni echikhulupililo yoollipa nave anaaye eneerokhalla ni voothawellavo.

Masalimo 46:11

Apwiya Amasiva Mattheene eri ni hiyaano, Mulluku a Yakobo sika woothawella wahu.

Yesaya 50:10

Ttaani mwa nyuwaano anawoova Apwiya, aniiwellella mawu a oorumeyelliiwa? Arive muthu aweeta mwiipiphini oohikhalla ni yoomumolleella, aroromelle nnddina na Apwiya, ahameelle va Mullukwaaye.

Masalimo 3:4

Kinnakhuwella wa Apwiya wi ekiiwe. Alliwa ennakaakhulla ovenyera va mwaangwiiwa waweella.

Masalimo 46:2

Ekaamba ya yeella khannoova naari ellapo yavatthi etikheye, naari miyaango ddimorenlle variyari va enyanja,

Masalimo 71:7

Kiri ello yoottikhiniha wa athu anchichi vawi nyuwaano tti voothawella vaka voollipa.

Masalimo 91:2

aneerollota wa Apwiya wi, “Nyu tti woothawella waka ni mpandaaka, Mullukwaaka oyo kinamuroromelleemi.”

Masalimo 94:22

Koma Apwiya aatthattuwa mpandaaka, Mullukwaaka sika nlluku naka noothawellawo.