Masalimo 61:2 - Mawu a Mulluku

² Miyaano ookhalla omamallihello wa ellapo yavatthi, kootathilla murima nave kinawiithanani nyuwaano, kihoollelleni o nlluku noorekama okikhwaranya miyaano.

Masalimo 61:2 ပူးပေါင်းရင်းမြစ်များ

Masalimo 18:2

“Apwiya sika nlluku naka, mpandaaka ni oovullusaaka. Alliwa tti Mullukwaaka, nlluku naka kinathawelleemiwo. Sika echishangwaaka, masiva ookivullusa ni yookiipitthihaaka.

Yesaya 32:2

Arive muthu mwa alliwa anaakhalle wonanko voothawellavo ephevo apaalle nipuro noomwiipitthellavo namondwe. Enaakhalle wonanko mihinje ddaweeta mu ellapo yawumma apaalle muuthuuchi wa nlluku nuullupalli mu echipululu.

Masalimo 62:6

Olliye yeekhaayeve sika nlluku naka, oovullusaaka ni woothawella waka, ngiwa kitikheya naari vang'ono.

Masalimo 77:3

Kaawuupuwellaka dda Mulluku, kinniipullella m'murimani. Kaaganizellaka dda olliye, kinnatathilla murima.

Masalimo 62:2

Olliye yeekhaayeve sika nlluku naka, oovullusaaka ni woothawella waka, ngiwa kitikheya naari vang'ono.

Masalimo 18:46

Apwiya tti ookumi! Nititimiheye nlluku naka, ariiheye Mullukwaaka, ookivullusaka!

Deuteronomo 4:29

Wenko nyuwaano muneerowaashaasha Apwiya Mullukwaanyu nave mwawaashaasha ni murimaanyu muttheene ni okumaanyu muttheene muneerewaaphwanya.

Masalimo 27:5

Va nllapo na ddookatamiha eneerokivittha, eneerokisunga muwari mwa enyumbiiwa, eneerokiteteza vanllukuni noorekama.

Masalimo 142:3

Murimaaka wafooka, nyuwaano munnadduwella ddawi mweere. Athu aakireya musampha mu ettilla kineeteemimo

Masalimo 40:2

Yaakiruulla mu nlliti nawoopiha, ehime yamatokwi. Yaakiimesa vanllukuni, ekeetiha phaama.

Yesaya 54:11

“We muzinda woohoosiwa, woorama nikavihero, woohikhalla ni awuukhurumusa murima, kineeroweeriha mallukwaawo, kineeromakattho matthipellwaawo ni malluku oowallamella mutengo a Safire.

Masalimo 55:5

Woova wookiphiyera nave kinimatthukumella, woova wuullupalli wookimorella.

Masalimo 143:4

Sika murimaaka woofooka muwari mwaka, m'murimani mwaka mooddalla woova.

Masalimo 43:5

Kaambiiwa tini onamoriweewe ethakaraka, we murimaaka? Kaambiiwa tini onakatamihiweewe muwari mwaka? Muroromelle Mulluku vawi kineeromutitimihattho, oyo ari oovullusaaka ni Mullukwaaka.

Masalimo 42:6

Nyu Mulluku, kootathilla murima, sika kinnawuupuwellani kiriimi mu ellapo ya Yordani, o Heremoni, o mwaango wa Mizara.

Luka 22:44

Naari Yesu ahoowille wawoopiha m'murimani mwaye, aavekellave ohiyana ni vawaamba nave nikhurumella naye naari wonanko nikhame ninamorella vatthi.

Masalimo 17:1

Nyu Apwiya, iwani ovekella wa oolungama, apellani maaru winlla waka, iwani ovekella wa oohoottha.