Masalimo 60:7 - Mawu a Mulluku

⁷ Giliyadi tti aaka, Manase tti aaka, Efuremu tti echipewaaka yookiteteza, Yuda tti ekopwaaka yoomwene.

Masalimo 60:7 ပူးပေါင်းရင်းမြစ်များ

Genesis 49:10

Yuda eneerophareella ekopo yoomwene enthawi ddittheddene. Aneerowummellella omwenooyo, nave aneerosunga masiviiwa, ophiyera mwaneenaneena aphiyalle, oyo anaalamulelle athu attheene.

Deuteronomo 33:17

Yosefe ookhalla ni masiva wonanko nankhoro a eng'ombe, manyakaaye tti wonanko a enari, manyaka awiikarihella mitundu ddimodda, oddiikarihella woomallihella wa ellapo. Manyakaaye tti akhoto ooheerengeya a Efuremu, navettho akhoto anchichi a Manase.”

Yoswa 13:31

hafu a Giliyadi ni Ashitaroti ni Ederei, mizinda dduullupalli dda mwene Ogi a o Bashani. Mizinda ddenndda ddaavahiwa wa mabanja a Makiri mwaana a Manase wi ekhalle yoohallaniiwa ya hafu a Amakiri moollikana ni mabanjiiwa.

1 Epilli 12:37

Athu a nlloko na Rubeni, a nlloko na Gadi ni a hafu a nlloko na Manase ovenyera okhopella wa muhinje wa Yordani yaarivo 120,000 akhoto ookhalla ni ezida ddoohiyanahiyana.

1 Epilli 12:19

Athu amodda a nlloko na Manase yaawa wa Davide mvo awiilleeye ni Afilisti voowanani ekhoto ni Saulo. Koma enthawi yeeyo Davide khawaakavihere Afilisti vawi oolamulelliiwa yaamuhokollosa ellota wi, “Olla ttuuhokollweella wa apwiyaaye Saulo ni onivelleella wa olliye.”

Yoswa 17:1

Echigawo emodda ya ellapweeyo yaavahiwa wa Manase oyo aari mwaana awaamba a Yosefe. Makiri, nikhollo na athu ookhalla o Giliyadi sika aari mwaana awaamba a Manase. Makiri aarittho akhoto wawi ezigawo dda Giliyadi ni Bashani ddaavahiwa wa olliye.

1 Samuele 28:2

Davide ahaakhulla wi, “Ddawoona, muneerewoona yeekhiinyu mmo kinaaweerelleemi, mi mullupa muttekwaanyu.” Akishi aallota wi, “Vano kineeroweera wi okhalle oowehera ooteteza mu okumaawo muttheene.”

Masalimo 108:7

Mulluku ari onipuroni naye naweella, oolonjeza wi, “Kineerewuukawellani ellapo ya Shekemu moohakallalla, kineerewuuphadderani malire mu ntapo na Sukoti.