Masalimo 60:2 - Mawu a Mulluku

² Mootikha ellapo, mooyitthalla, potokosani mitthari ddiwa vawi yoheengereya.

Masalimo 60:2 ပူးပေါင်းရင်းမြစ်များ

2 Epilli 7:14

ayo enaromolliwa mu nnddina naka yiiyeviha evekella waasha ekhovaaka, ni ohiya machimwiiwa kineerowiiwa oddullu nave kineerewaakhululukella machimwiiwa ni ovullusa ellapwiiwa.

Hoseya 6:1

“Hankoni nihokollweelle wa Apwiya, aanikhaddulla koma eneeronichiriha. Aaniphoriiha koma eneeromaka makhwataahu

Yesaya 30:26

Mweeri oneerowala wonanko nndduwa nave nndduwa nineerowalesesa wonanko olendo otthanu ni opiilli owala wa nllapo nimodda. Ddenndda ddineereye mvo Apwiya enaamakiiwa ni ovolliha makhwata ayo mwaneeniiwa yaambihalliiwa vawaallakani athwiiwa.

Ezekiele 34:16

Kineeroddaashaasha ddaweeteeta kineeroddihokollosa ddoohollowa, kineeroddimaka makhwatiiwa ddoophoreya, kineeroddillipiha ddoofooka koma kineeroddoononga ddooneneva ni ddamasiva. Kineeroddichiha enkhosa ddaka mwa echilungamo.”

Yeremiya 48:38

Vaddullu va enyumba ddittheddene dda o Mowabu ni m'misewuni mwaye khamuwa mwiiweyattho ello emodda koma winllave. Koomunyenyanyenya Mowabu wonanko epalli yoohikhalla ni mutteko.

Yeremiya 10:10

Koma nyu Apwiya, tti Mulluku awoona, tti Mulluku Ookumi navettho Mwene a enthawi yoohimalla. Ellapo yavatthi ennatikheya ni owallaanyu, athu a mitundu ddimodda khewora ovillella ni osha murima wanyu.

Yeremiya 4:24

Kaaweha miyaango nave ddaanatikheya, asimiyaango yaanatthukumella.

Yesaya 5:25

Ekaamba ya yeella Apwiya ahaashella murima nave ahaattaphurusella athwaayo nnatta wi ewiiphe. Miyaango ddootikheya nave mitembo dda athwiiwa ddiri millumillu wonanko ekattha variyari va misewu. Koma naari Mulluku eerille ddennddo, osha murima waye khonamalle vawi nnatta naye nirive noottaphurusa.

Masalimo 18:7

Vano ellapo yavatthi yaatthukumella etikheya, matthipello a miyaango yaatikheya ni orindimuwa, kaambiiwa Apwiya yaasha murima.

Mateyu 27:51

Nave ekatani yoohiyaniha mapuro meelli a mu enyumba ya Mulluku yahaahuwa okawaneya variyari ovenyera vaddullu ophiyera vatthi. Nave ellapo yaatikheya nave malluku yaatthalleya.

Habakuku 3:10

Miyaango ddawoonilleewani ddaatikheya, maaddi yaamora ovenyera oddullu. Maaddi a vatthi va ellapo yaathuruma, mafundiiwa yaawella muddullu.

Amosi 8:8

Ekaamba ya ddittheddenenndda, ellapo yavatthi eneerotikheya, arive muthu ookhallamo aneeromoriwa ethakaraka. Ellapo ettheene yavatthi eneerovidduwa wonanko Nailo, eneeronyaruwa ni owelleella wonanko muhinje wa o Iguputo.”

Yeremiya 30:17

Koma nyuwaano, kineerochiriha ereta ddanyu, kineerovolliha makhwataanyu. Naari amodda yeesaka wi mootathilliwa, voollotani wi ‘Alla tti athu a o Ziyoni, khenna owaapwatha.’ Mi Apwiya koollota.”

Yeremiya 14:17

Apwiya yaakilamula wi kaalleelle athu dda ethakaraka ddaka wi, “Miitthwaaka eneerovirellella omora miitthori otthaana ni mahiiyu vawi athwaaka ookondiwa aakhalla ni nikhwata nuullupalli, aaphoriihiwa moonanara.

Masalimo 114:7

We ellapo yavatthi tthukumella kaambiiwa Apwiya enimawa, ddawoona, Mulluku a Yakobo animawa

Yobu 9:6

Annayitikha ellapo yavatthi, apotwiiwa ennatthukumella.

Yesaya 7:8

Vallethi ellapo ya Siriya enaroromella muzindiiwa muullupalli wa Damasiko nave Damasiko anamuroromella mwenaaye. Koma ddihinamalle miyakha 65, Efuremu aneerotthollosiwa, khakhallattho mutundu wa athu.

Masalimo 104:32

Ellapo yavatthi ennatthukumella alliwa yayiweha miyaango ddinnathuwa mwiisi yaddittannya.

Masalimo 89:40

Mookumulla esiri ddaye ddittheddene, mootthattusa mipanda ddaye ddoollipa matepe.

Yobu 5:18

Vawi annaphoriiha navettho annamaka makhwata. Annuukutha navettho mattaaye ennachiriha.

Maliro 2:13

We mwaana aamutthiyana, Yerusalemu, kinaallotettho tini dda weyaano apaalle wuuphwanaphwaniha ni tini? We mwaana aamutthiyana, Ziyoni, ethiyo kinuuphwanaphwanihe ni aani wi kuuhakallallihe? Vawi woonongeya wawo tti wuullupalli wonanko enyanja, ttaani anaawore wuuchiriha?

2 Samuele 22:8

Vano ellapo yavatthi yaatthukumella etikheya, matthipello a miyaango yaatikheya ni orindimuwa, kaambiiwa Apwiya yaasha murima.

Eksodo 15:11

“Nyu Apwiya, ethiyo vookhalla mulluku mmodda oophwanaphwana ni nyuwaano? Ttaani ari wonanko nyuwaano, ootitimiheya ekaamba ya weella wanyu? Ttaani ari wonanko nyuwaano vaweerani mitteko dda masiva ni ddoottikhiniha?

2 Samuele 8:1

Vatulli viwa Davide ahaahella ekhoto Afilisti nave ahaagonjiha. Sika aawaakha Afilistaayo muzinda wa Metege Ama.

1 Epilli 18:3

O Hamati Davide aamugonjihattho Hadadezere, mwene a o Zoba, ayeeye omutundani wa muhinje wa Yufurate wi akeraatthihewo omwenaaye.

1 Epilli 18:5

Vano Asiriya a o Damasiko yawiilliiwa wi emukavihere Hadadezere, mwene a o Zoba, Davide aawiiphavo athu 22,000.

1 Epilli 18:12

Nave Abishai, mwaana a Zeruya aawiipha Aedomu 18,000 o ntapo na Mwiinyu.