Masalimo 6:4 - Mawu a Mulluku

⁴ Hokollowani Apwiya, waawoni mukaakihere, kivulluseni ekaamba ya echikondaanyu yoohisintheya

Masalimo 6:4 ပူးပေါင်းရင်းမြစ်များ

Daniele 9:18

Nyu Mullukwaaka, apellani maaru wi mwiiwe mawaaka. Muhulle miitthwaanyu wi moone matepaahu ni muzinda oyo onadduwelliwa ni nnddina nanyu. Kinavekella wa nyuwaano ekaamba yawi muri eechifundo, ohiri ekaamba yawi hiyaano niri oolungama.

Masalimo 17:13

Nyu Apwiya venyani, mukumanena wi mwaagonjihe. Mukivulluse wa oonanaraalla ni nsupada nanyu.

Malaki 3:7

Waambeella mallapo a makhollwaanyu khemwaawiiwellelle nave khemwaasungalle malamulwaaka. Hokollweellani wa miyaano nave kineerohokollweella wa nyuwaano. Kinallota tti miyaano Apwiya Amasiva Mattheene. Koma nyu munnakoha wi, ‘Ethiyo ninaahokollowe mwawiidde.’

Masalimo 121:7

Apwiya eneerewuuteteza o ddoonanara ddittheddene, eneerosunga okumaawo.

Masalimo 116:4

Vano kahiithana nnddina na Apwiya wi, “Apwiya kinnuuvekani, Akiherani okumaaka.”

Masalimo 90:13

Nyu Apwiya, hokollweellani wa hiyaano, munaananariwe ophiyera niini? Amorelleni ethakaraka oorumeyellaanyu.

Masalimo 80:14

Nyu Mulluku Amasiva Mattheene, nirukunuwelleni, niweheni ovenyera muddullu nave moone, pwathani mpesooyo,

Masalimo 22:20

Vullusani okumaaka onsupadani, kaakihereni muwano mwa enama ddamuhakani.

Aefeso 1:6

Mulluku aheera ddenndda wi nititimihe echisomwaaye yoovahiwa wa hiyaano oweella mwa mwanaye ookondiwa.

Yesaya 38:17

Ngoonani, kahoona ovoreya wi kikhalle phaama, moovullusa okumaaka o mahame, mohaatathillella machimwaaka mattheene otulli wanyu.

Masalimo 120:2

Kaallota wi, “Nyu Apwiya, kivulluseni wa athu awoottha ni oolleka.”

Masalimo 116:8

Vawi nyu Apwiya, mookivullusa wuukhwaani, mooheeriha miitthori ddaka wi ddihimore, mookiteteza wi kihikwakwatuwe.

Masalimo 86:13

Vawi echikondaanyu yoohisintheya va miyaano tti yuullupalli nave mwahaakihera okumaaka o woowallamella wa ellapo ya ookhwa.

Masalimo 69:13

Koma miyaano kinnavekella wa nyu Apwiya, nyu Mullukwaaka, mukaakhulle mu enthawi yaphaama ekaamba ya wunnuwa wa echikondaanyu yoohisintheya ekaamba ya ororomelleya wa ovullusa wanyu.

Masalimo 25:7

Muhinuupuwella machimo a esombwaaka ni ovudduwa waka koma mukeerelle echifundo, nyu Apwiya ekaamba ya echikondaanyu yoohisintheya vawi nyuwaano tti aphaama.

Masalimo 13:2

Ethiyo kinaahoowe m'murimani mwaka ophiyera niini? Ethiyo kimoriweke ethakaraka otthaana ni mahiiyu? Ethiyo adanaaka enaakinyingallelleke ophiyera niini?

Masalimo 74:10

Nyu Mulluku, ethiyo adanaayo enaawuunyemullekeni ophiyera niini? Ethiyo adanaayo evevulleke nnddina nanyu ophiyera wa enthawi yoohimalla?

Masalimo 79:5

Munaananariwe ophiyera niini, Nyu Apwiya, muneerosha murima wa enthawi yoohimalla? Ethiyo ehachaanyu eneerekokharave wonanko munllo?