Masalimo 59:16 - Mawu a Mulluku

¹⁶ Koma kineerekewiipa machipo dda masivaanyu, orive ohinase kineerowiipa mookhuwa machipo ootetheella echikondaanyu yoohisintheya vawi nyuwaano tti mpandaaka, nipuro noothawellamo va enthawi ya ddookatamiha ddaka.

Masalimo 59:16 ပူးပေါင်းရင်းမြစ်များ

Masalimo 21:13

Nyu Apwiya mutitimiheye ekaamba ya masivaanyu, nineerewiipa ni otetheella masivaanyu muullupalli.

Aefeso 3:20

Vano wa oyo anaphara mutteko mwa hiyaano mwa masivaaye, oyo anawora weera wunchichi ohiyana ni ninavekeehu apaalle ninaganizeehu,

Aroma 15:9

navettho wi athu ayo ehiri Ayuda ewore omutitimiha Mulluku ekaamba ya echifundwaaye wonanko mmo mawu a Mulluku enallotiiwa wi, “Sika kineerewuutitimihani variyari va athu oohimullapella Mulluku. Kineerewiipa machipo ootitimiha nnddina nanyu.”

Masalimo 30:5

Onanariwa wiwa tti wa enthawi yooyeva, oreera murima wiwa tti wa okumi muttheene. Naari miitthori ddimoraka mahiiyu mattheene, ohinase onnakhalla ohakallalla.

Masalimo 143:8

Ohinase mukiiwihe dda echikondaanyu yoohisintheya, kaambiiwa kinnuuroromellani. Mukitthoonyihelle ettilla yawi keetemo, vawi kinnavelleella murimaaka wa nyuwaano.

Masalimo 138:7

Naari keete variyari va ddookatamiha, nyu, munnasunga okumaaka. Munnattaphurusa nnatta nanyu waahiiha adanaaka oosha murima, nnattanatta nanyu ninnakivullusa.

2 Akorinto 1:10

Aanivullusa ovenyera o ddawoopiha dda okhwa nave aneeronivullusattho nave etiyerellwaahu eri mwa olliye wi aneeronivullusattho wiilli.

Masalimo 101:1

Kineerewiipa dda ororomelleya ni echilungamo, nyu Apwiya, kineerewiipa ddawuutitimihani.

Aheberi 5:7

Mu okumaaye va ellapo yavatthimva, Yesu m'mavekelloni mwaye ahinlla mookhuwa nave moomoriha miitthori wa Mulluku, oyo aarina masiva oomuvullusa wuukhwaani. Kaambiiwa ahiivelleella ni wiiyeviha, Mulluku ahiiwa mavekellwaaye.

Masalimo 145:11

Eneerollota dda ntitimiho na omwenaaye, eneerotthopoolla dda masivaanyu

Masalimo 36:5

Nyu Apwiya, echikondaanyu yoohisintheya ennaphiya oddullu, ororomelleya wanyu onnaphiya m'miraponi.

Masalimo 31:7

Kineerohakallalla ni othapella ekaamba ya echikondi yoohisintheya. Mohoona ohoosiwa waka, moodduwella ddookatamiha ddaka.

Masalimo 4:1

Nyu Mullukwaaka oolungama, mukaakhulle kaawiithanakani. Kakatamihiweemi mwaawa mukikavihera. Mukeerelle echifundo nave iwani ovekella waka.

Yobu 37:23

Amasiva Mattheene khaniwora omwaatamella, tti muullupalli m'masivani ni mu echilungamo, tti oolungamesesa wawi khani ahoose.

Yeremiya 30:7

Otulli! Nllapo nenno tti nuullupalli wunchichi, khaviwa vikhallattho nimodda noophwanaphwanana. Enaakhalle enthawi ya ddoohoosa wa Yakobo, komave aneerovulluwa o ddookatamihannddo.”

Masalimo 89:1

Nyu Apwiya, kineerewiipa moohimaalliha nchipo nootitimiha echikondaanyu yoohisintheya. Kineerollalleya ni vayanoni vaka dda ororomelleya wanyu o mibado ddittheddene.

Masalimo 88:13

Koma kinninlla wi nyu Apwiya mukikavihere, nivekello naka ninnaphiya wa nyuwaano ohinase.

Masalimo 77:2

Va nllapo na ddookatamiha kinnawaashaasha Apwiya, mahiiyu mattheene kinnawelliha mattaaka voovekellani, murimaaka onnakhoota okhurumusiwa.

Masalimo 46:1

Mulluku sika woothawella waka ni masivaaka, tti ookhozeka onikavihera va enthawi ya ddookatamiha.

1 Samuele 17:37

Apwiya ayo yakivullusalle omikangoni ni o ezimbalangondo, aneerokivullusa wa Mufilistoolla.” Vano Saulo aamulleella Davide wi, “Khawe, Apwiya ekhalle ni weyaano.”

Masalimo 5:3

Apwiya, ohinase munniiwa mawaaka, nndduwa naakhumaka kinnavekella wa nyuwaano nave kinnatiyerella wi mukaakhulle.

Masalimo 106:8

Koma ahaavullusa ekaamba ya nnddina naye wi oonihe masivaaye muullupalli.

Masalimo 86:13

Vawi echikondaanyu yoohisintheya va miyaano tti yuullupalli nave mwahaakihera okumaaka o woowallamella wa ellapo ya ookhwa.

2 Samuele 22:3

Alliwa tti Mullukwaaka nlluku naka kinathawelleemiwo. Sika echishangwaaka, masiva ookivullusa, mpandaaka ni yookiipitthihaaka, nyu sika munakoopolla vakhotoni.

Eksodo 15:6

Nyu Apwiya, nnattanatta nanyu tti nootitimiheya, ekaamba ya masiviiwa, Apwiya, nnattanatta nanyu ninnaanyenya adani.

Yobu 15:23

Annaashaasha yoocha anakoha wi, ‘Eri wuuwi?’ Annadduwella wi nllapo neepiphi nohaatamella.