Masalimo 57:1 - Mawu a Mulluku

¹ Mukeerelle echifundo, nyu Mulluku, mukeerelle echifundo, vawi kinnathawella wa nyuwaano. Kinnathawella vatthi va muuphellwaanyu ophiyera woononga oviralle.

Masalimo 57:1 ပူးပေါင်းရင်းမြစ်များ

Masalimo 91:4

Eneerewuukhuneella ni muuphellwiiwa, oneerophwanya moothawellamo m'muuphelloni, ororomelleya wiwa onnateteza wonanko echishango.

Masalimo 36:7

Nyu Mulluku, echikondaanyu yoohisintheya tti yoowallamella mutengo, athu ennathawella m'muuthuuchini wa muuphellwaanyu.

Masalimo 61:4

Kinapaalla kikhalle mpa mwanyu enthawi yoohimalla, Kinakhwella kiipitthe vatthi va muuphellwaanyu.

Masalimo 63:7

Nyuwaano mookhalla nikavihero naka, sika kiniipa moohakallalla vatthi va muuphellwaanyu.

Masalimo 9:10

Apwiya, ayo enuudduwellani ennuuroromellani, khamunamuhiya muthu oyo anawaashaashani.

Masalimo 91:1

Muthu ookhalla mu mpanda wa Amasiva Mattheene, oyo anakhalla m'muuthuuchinaaya,

Yawuupullulla 21:4

Olliye aneerewaavutta miitthori m'miitthoni mwiwa. Khowattho okhalla okhwa winlla wiiwa ovoreya naari ekutho. Ddeko ddakhalle ddoovira.”

Rute 2:12

Apwiya yuuhokolloselle ddaphaama nnddo weerilleewe. Apwiya Mulluku a Aisraele yuuvahe emphaso yuullupalli vawi woowa wa alliwa wi yuuteteze.”

Yesaya 26:20

Athwaaka, vollowani mpa mwanyu nave mwiiwallelle. Mwiipitthe vang'ono ophiyera osha murima wa Apwiya omanlle.

Masalimo 56:1

Nyu Mulluku, mukeerelle echifundo vawi adanaaka ennakihoosa. Aakihella ekhoto ni okinyingallella nllapo nittheene.

Masalimo 91:9

Vawi waallota wi Apwiya tti woothawella wawo, Amasiva Mattheene tti mookhallamo mwawo,

Masalimo 13:5

Koma miyaano kinaroromella echikondaanyu yoohisintheya, murimaaka oneerohakallalla kaambiiwa mookivullusa.

Masalimo 2:12

Mukokhorelleni moomugonjella mwanaye, wi ahuunanariwelleni, wi muhoonongeye, vawi khanallekella osha murima. Oodalisiwa tti ayo enathawella wa olliye.

Yawuupullulla 7:14

Kaamwaakhulla wi, “Apwiya, munadduwella tti nyuwaano.” Aakilleella wi, “Yaalla sika athu ayo yavillenlle mu ddoohoosa ddawoopiha. Yaahuwa nave yeelliha ddoowara ddiwa ni nikhame na mwaanaankhosa.

Yesaya 50:10

Ttaani mwa nyuwaano anawoova Apwiya, aniiwellella mawu a oorumeyelliiwa? Arive muthu aweeta mwiipiphini oohikhalla ni yoomumolleella, aroromelle nnddina na Apwiya, ahameelle va Mullukwaaye.

Masalimo 142:1

Kinninllella wa Apwiya moollipiha, kinnavekella mookhuwa.

Yohane 16:20

Ddawoona, kinimuulleellani wi muneerewinlla ni woopa ekutho koma athu a ellapo yavatthi eneerohakallalla. Nyuwaano muneerokokhupanya koma okhupanya wanyu eneerotthattuwa ehakallallo.

Mateyu 24:22

Nave Mulluku ahaayevihalleke mallapwaayo, khaavo naari muthu mmodda aavulluwe. Koma ekaamba ya athwaaye ootthoolliwa, Mulluku aneerewayeviha mallapwaayo.

Masalimo 125:1

Athu ayo enaaroromella Apwiya tti oollipa wonanko mwaango wa Ziyoni, woohitikheya ni wookeraattheya wa enthawi yoohimalla.

Masalimo 59:1

Nyu Mullukwaaka, kivulluseni wa adanaaka, kitetezeni wa athu ookiwukila.

Masalimo 58:1

Nyu oolamulella, ethiyo munnakamulla mullatu mwa echilungamo? Ethiyo munnaweeruza athu mwawoona?

Yesaya 10:25

Osha murima waka ohanlle vang'ono omalla va nyuwaano koma kineerewaananariwella alliwa ophiyera kiwoonongille.

1 Samuele 24:3

Yaaphiya omakhollani a enkhosa museresere mwa musewu mvo vaari nikhungu. Saulo aavollowa onikhunguninko wi iimellelle. Davide ni athwaaye yaari yiipitthalle muwariwari mwa nikhungunno.

1 Samuele 22:1

Davide aathawawo o Gati, iipittha onikhunguni na Adulamu. Asinne ni attheene a mu nibanja na attiitthinnya, yaaya nko waari Davide.

Luka 13:34

“Yerusalemu, Yerusalemu! Athwaawo ennawiipha anamallotella nave ennaavokha malluku owiipha athu yarumihelliwiiwa ni Mulluku! Tti mallapo makavi kapanlleemi waakhupaarella athwaawo attheene wonanko mwanakhu anaakhupaarelleeye asaanaaye vatthi va muuphellwaaye koma nyuwaano khamwaapanlle.

1 Samuele 24:8

Vano nayeenettho Davide aakhuma amwiithana Saulo wi, “Apwiya, mwene!” Saulo amuwehille Davide aamuvaha olemu voowaramellani vatthi.

Deuteronomo 9:26

Nave kaavekella wa Apwiya wi, Nyu Apwiya Mulluku, pepaani muhiwoononge athu ayo mwaatthoollilleenyu wi ekhalle yoohallanaanyu. Athu yaalla mwaawoopolla nave mwahaakhumiha ni masivaanyu muullupalli o Iguputo.

1 Samuele 24:4

Vaavo athu a Davidaalle yaamulleella wi, “Enthawi yookwakhwana elle Apwiya yuulleelliiwani wi, ‘Kineerewuuvaha ekari wi waagonjihe adanaawo.’ ” Vano Davide aatimulla mwawiitta aya aphadda echigamba otthoka wa mukanjo wa Saulo olliye ahidduwellaka.

1 Samuele 26:9

Koma Davide aamulleella Abishai wi, “Iyaayi ohinamwiipha. Vawi Apwiya eneeromullaka oyo anaamuvoreye mwene, oozoziwa* a Apwiya.”

Masalimo 75:1

Nyu Mulluku, ninnuuthokozani, ddawoona, ninnuuthokozani vawi nnddina nanyu nohaatamella, ninnallalleya mitteko ddanyu ddoottikhiniha.